Afrikaans Alfabet Boekverslag

My HAT storie woordeboek R106,10

My HAT Storie Woordeboek, geskryf deur Martine Letterie en Betty Sluyzer, (oorspronklink in Nederlands uitgegee deur Van Dale Uitgewers) is so ‘n oulike konsep dat sodra ek dit gesien het, wou ek een hê! Maar ek is bietjie teleurgesteld met die boek. Eerstens dis nie ‘n woordeboek soos ons een ken nie. Jy kan nie ‘n woord opsoek wat jy nie ken nie want daar is net so paar woorde onder elke letter, so daar was nog nie een keer die onbekende woord wat ons wou opsoek nie! Alhoewel daar ‘n duisend woorde altesaam is, en daars baie goeie woorde en die stories verbreed ‘n kind se kennis en woordeskat, vermoed ek dat jy deur die boek gaan moet lees en nuwe woorde aanleer, eerder as ‘n woord opsoek.
Die skrywer, het klomp oulikke stories, heelwat komies, sommige gediggies- geskryf. Dis verseker ‘n gesonde gehalte van Afrikaans! Maar wat ek voel nie gesond is nie, is die liberale inhoud van die stories. Deesdae is fantasie nie vir kinders vreemd nie. My kinders kyk ook flieks oor feetjies en drake, meerminne en prinsesse. Waar trek mens die streep? In die HAT is daar baie verbeeldingryke stories en karakters. Dwergies en elwe, meerminne en hekse. Heksieklein is ‘n karakter wat 9 keer verskyn in die boek. Al is Heksieklein uitgebeeld as ‘n oulike dogtertjie karakter is daar stories wat my ongemaklik laat voel.
Byvoorbeeld die een waar sy huil want sy is mooi. “Ek is te oulik,” sê Heksieklein hartseer. Ek wil net so lelik wees soos jy en Ouma.”
Op ‘n ander bladsy sê sy ‘n tower rympie om ‘n rimpel op haar gesig te kry.
Hierdie boek het my gedagtes rondom fantasie uitgedaag. Hoeveel fantasie is toelaatbaar? As ek feetjies en meerminne regverdig, hoekom is dwergies en hekse verkeerd? Ek gaan lank en hard moet dink hieroor. Ook bietjie luister wat die Here daaroor sê. Ek wil my kinders se verbeelding aanmoedig. En ek het nie iets teen bose karakters nie, want daar is sleg in die wereld. Maar ek trek die lyn by heksery. Selfs ‘n liewe heksie soos Heksieklein.
**
Alfabetland (R180)

Die tweede alfabet boek wat ek oor wil praat is Alfabetland (uitgewer Alta Greyson) wat kompleet met ‘n werkboek asook alfabet flitskaartjies kom. Ek het hierdie boek op CNA se rak opgetel en dadelik gesien dis ‘n tuisonderrig moet-hé! Ek hou van die konsep van lees/gedig boek saam met werkboek. Dit oefen die kind in die konsep van luister vaardighede asook begripstoets. Die werkboekie is baie oulik saamgestel. Daars plek om die skrif van elke letter te oefen en soms ‘n prentjie te teken. Die vrae behels taal asook wiskunde probleme.
Die flitskaarte is op dik karton gedruk so dis nie eers nodig om te lamineer nie. Mooi kleurvolle prentjies om saam met elke letter te pas, maak dit moontlik vir kinders om oulike speletjies te ontwerp waarmee hulle hul klankies kan oefen.
Al kritiek is dat die vervaardigers klein foute in die produk laat deurglip het. Die flitskaarte behoort agterop dieselfde letter as voor te hê maar daar is sommiges wat duidelik verkeerd gedruk is. Agterop die d is f en agter die f is d.
Ook toe ons die m letter se werkies doen, is die een vraagie hoeveel miere loop voor Mamma Mol verby. Meskien verstaan ons nie mooi nie, maar ons tel 9 miere en die opsies wat ons moet sirkel is 7, 10 of 4. Meskien kan iemand vir my sê wat die antwoord moet wees?
Nogtans ‘n goeie kopie gewees! ***
‘n Annerste ABC-boek vir aspatatte

‘n Annerste ABC-boek vir aspatatte (R80) geskryf deur Maritha Snyman en Karen Lilje (Uitgegee deur Lapa Uitgewers) is my gunsteling alfabet boek met ‘n gedig slegs oor diere vir elke letter van die alfabet. Daars ‘n geitjie en ‘n koedoe, njalas en vlakvarke – trotse Suid-Afrikaanse diere wat amok maak op die bladsye van die amusante alfabet boek.
Die boek is leersaam tog maklik om te verstaan met pragtige A4 illustrasies. Soveel woorde wat met die alfabet letter begin is gebruik in die gedig en ons het al ‘n gedig geneem en geleer as deel van ons tema.
Uitstekende Afrikaanse literatuur, ek gee die boek 5 sterre. *****