About Janet@grootisutrou.co.za

This author has not yet filled in any details.
So far Janet@grootisutrou.co.za has created 100 blog entries.

Skep die Atmosfeer vir Leer

My kinders se tennis coach het die artikel geïnspireer. Hy vertel my vanoggend dat hy iets opgelet het van die tuisskool kinders wat hy tennislesse voor gee. Hy sê gewoonlik leer kinders deur een van drie metodes: visueel, ouditief of kinesteties. Maar hy kom agter dat tuisskolers ’n ekstra metode het, naamlik ‘Educational’. Hy sê dat hy dit nou getoets het met my girls en dit werk!

Tennis het baie teorie wat afrigters gewoonlik nie vir hulle leerlinge leer nie omdat dit, glo, moontlik bo hulle vuurmaakplek is. ‘Coach’, soos my kinders hom noem, verduidelik dat skoolkinders (waarvan sy eie drie kinders ingesluit is), baie het om aan te dink. Dinge soos huiswerk en take, vriende en groepsdruk. Daar is bekommernisse wat ‘head space’ opneem. Dus, is daar nie spasie vir te veel nuwe inligting nie. Ek voeg die ‘te’ by maar mens kan lank debatteer oor hoeveel inligting kinders wel kan inneem.

Coach sê dat hy sien dat die rustige, liefdevolle atmosfeer waarin tuisskolers grootword, plek los vir hulle om op tennislesse en effe ingewikkelde teorie te kan hoor en verstaan. Daar is nie klomp buite goed wat soos rookmis om baie kinders se koppe hang nie.

En ek wil oor die atmosfeer van leer praat. Ek wil nie kinders wat skool toe gaan, of hulle ouers, kap nie. My doel is om tuisskool gesinne te bemoedig. Om die voordele van julle leefstyl keuse ten volle te benut!

Die gebrek aan sosialisering is gewoonlik die eerste kritiek wat tuisskolers kry. Maar ek wil wys hoe dit eintlik ’n voordeel is. Jy as ouer kan nou jou kind se maatjies kies. Jy kan inspraak lewer tot enige gedrag by ‘n kuier waarmee jy nie saamstem nie. Jy kan maats uitsoek wat dieselfde waardes as julle gesin deel. Jy kan jou kinders toelaat om met ouer of jonger kinders te speel.

Ter voorbeeld, ons het ‘n pragtige baba seuntjie wat nou elke dag by ons kuier. Ons Brenda-helper se nuwe seun, Denzel. Sy baba geluide helder ons huis op en my kinders het die baba boetie waarvoor ons almal gesmag het. Die liefde en vreugde wat hier uitgedeel word verryk ons gesin! Ek sê vir Brenda, dat haar baba nie ‘n te kort het aan stimulasie en vrolike gesiggies om na te kyk nie. My dogters pomp sy beentjies en laat hom ‘staan’ en skop. En as hy vir jou glimlag, voel jy of jy die boerpot gewen het! Die reëling dat hy saam Brenda werk toe kom is goed vir hom en dis goed vir my kinders.

Ilani met Denzel

Dit vorm deel van die rustige, gelukkige atmosfeer wat my kinders in grootword.

Die ander ding is speel. Speel sonder onderbrekings. Speel sonder politiek (gewild teenoor ongewild) of leiers of bendes of oordeling nie. My 12-jarige vra die ander dag of sy te oud is om met poppe te speel. Ek antwoord: “vir seker nie”! En nou stap sy en 9-jarige sussie elke dag af in die straat met hulle baba’s in waentjies. Dis die oulikste ding! Ek moes dit afneem:

Daaglikse stap.

So, daar is soveel vryheid dat daardie boompie lekker kan uitsprei en woes groei! Die bemoediging en ondersteuning van mamma-juffrou is soos water wat uitgegiet word oor daardie tuisskool kindjie. Daar is minder onsekerheid en selftwyfel.

Dis nie te sê dat tuisskolers nie stres het nie. Tuisskool huwelike het steeds uitdagings. Daars steeds finansiële stressors of siekte in die familie of die afsterwe van ‘n geliefde troeteldier om te verwerk. Daar sal vir seker ook vrese en moeilike emosies wees om tuisskolers se emosionele stamina te toets.

Maar, tuisskool ouers, benut die vreugde van julle eie huis en leer omgewing! Jou kinders is in hulle veilige bubble en dit doen hulle goed! Hulle kan fokus aan leerwerk en moeilike konsepte en nuwe woorde en konsentreer op net die werk wat voor hulle is. Minder eksterne sake besoedel hulle kapasiteit. En dis nóg ‘n voorreg van tuisskool!

 

 

 

 

By |2022-05-12T19:42:38+00:00May 12, 2022|Uncategorized|0 Comments

My toring van Babel.

Hierdie artikel gaan nie oor tuisskool nie. Dit gaan oor my geestelike journey. Ek wil daaroor skryf.

Ek was van vroeg af wat ander sal noem: ‘n goeie Christen. Ek het eers onlangs besef dat ek ‘n toring soos die een van Babel gebou het. Elke baksteen was ‘n goeie daad of indrukwekkende Christen prestasie. Ek sien dit nou raak.

My ouers sê ek het my lewe vir die Here gegee op die ouderdom van 3 jaar oud! Ek het Jesus genooi om in my hart te kom woon. En toe op 4 was ek gedoop. Ek het fotos daarvan. Die pastoor oom het gevra watse liedjie kan hy op sy kitaar vir my speel en sing soos ek in die swembad gedoop word. Ek onthou ek het die een van Kids Praise gekies: ‘I wanna be Lord, just like you! All the good things that I want to do… listen to my heart Lord, yes it’s true..’ Sjoe, vir meeste van my lewe, was daardie my tema liedjie. Dis ‘n baie mooi liedjie!

Daars niks fout met kinders wat vroeg en opreg hulle hartjies aan Jesus toewy nie. Ook niks fout met jong kinders wat graag gedoop wil word nie. Maar ongelukkig, word so iets soms, soos in my geval, maklik ‘n punt op my telbord, ‘n veer in my hoed, ‘n baksteen in my toring.

Ek bou sodat ek nader aan die Here kan wees. Ek bou om die Christen leer te klim. Hoe hoër, hoe heiliger. Hoe hoër, hoe beter! Of so, het ek geglo.

Ek het gekies om na ‘n Christen skool toe te gaan. Ek het daar die Bybel voor en agter geleer ken. Ek kon die vinnigste in my klas na die regte plek in die Bybel toe blaai. Ek kan nie vir julle sê hoe trots het dit my laat voel nie! Net Graad 2, en ek kon Habakkuk 2:16 of Maleagi 4:21 vind. En ons moes verse memoriseer. En opsê. En vir mense bid. En woorde kry vir juffrouens. Ons het selfs pryse aan die einde van die jaar gekry vir Vrug van die Gees! Ja! Sertifikate voor die hele skool en kerk vir goeie Christen karakter! Sjoe! En ek het daardie toekennings nagejaag.

Dit laat my dink aan Max Lucado se kinderboek ‘Ek is spesiaal’. Ek het baie sterre versamel oor wat mense van my sê. Onnies en die skooolhoof en pastoor het almal vir my sterretjies gegee. “Sy is ‘n goeie Christen!” En dan sal my skoolklasmaats al my sterre sien en dink: “Sy het so baie sterre, sy moet goed wees. Wens ek kon so baie sterre kry as sy.” Ek weet hiervan want jare daarna, het een mamma met my gedeel hoe haar seun op skool gehuil het dat hy nie God se stem kon hoor nie. Hy het gesê dat hy moedeloos voel want net Janet kan God se stem hoor. Toe die ma dit met my deel, voel ek die hartseer in haar storie. Ons het geglimlag en gegiggel daaroor. Maar onderliggend was daar ‘n gevoel van tragedie.

Here, kom breek my toring.

C.S Lewis beskryf die berg wat Christene klim. En die wat hoër is, kyk neer op die wat nog onder is. Dis mos hoe ek geredeneer het: sekerlik ek wat die hele Bybel in een jaar gelees het… is wat? Nader aan die Here? Beter toegerus om Hom te dien? Vir seker ‘n beter Christen as die dwelm verslaafde wat sopas bely het. Maar ek besef nou, ek is gered omdat Jesus vir my gesterf het, presies soos vir daai druggie. Ek kan nie beter wees as ‘n ander Christen nie, want ons het dieselfde Redder.

En dan het ek goed begin versamel. Want Christene moet ook gawes van die gees hê. Profesie is die beste. Ek was by konferensies en seminare om die gawe te leer en te oefen. Maar, ons kan nie dit self verwerk nie, dit word aan ons geskenk. Maar ons kan daarvoor vra. En dan oefen om dit te gebruik deur om woorde te kry vir mense. En as die woorde akkuraat is, dan weet jy, jy het dit! Ek was op ‘n missie om woorde te kry vir mense. Dalk ‘n teksvers. Dalk ‘n visie. “Here, gee my ‘n woord sodat ek mense kan seën. Wat wil U vir die persoon sê?” Ek weet die Here het my soms in my onkunde, en opregte begeerte, gebruik. Hy werk deur ons, onperfek soos ons is. Ek is so dankbaar daarvoor! Want ons almal wil Hom so graag behaag! Maar, wat ek nie geweet het nie is: ek was klaar goed genoeg. Ek het reeds sy goedheid en guns verkry! Deur Jesus.

Ek is nou opnuut deurmekaar oor die spreek in tale ding. Dis ‘n geskenk maar jy kan leer om dit te gebruik. Lyk my almal kan die geskenk kry. Die taal van die Heilige Gees. Dis vir almal bedoel. En so, ons staan in ‘n ry en probeer praat soos die geestelike persoon op die mikrofoon. Ek wonder of die Here vir my gelag het. Nee, Hy sou seker nie.

Jy mag maar vir my lag Here.

Moes nogals komies gewees het hoe ek probeer in tale praat. Hoe ek dink ek doen. Al die jare. Tot my peuter ook soos ek in tale praat. Maar dis haar nonsens woordjies. Dis baba taal. En myne was ook. Nie deur die Heilige Gees gegenereer of inspireer nie. Ek dog dis hoe dit werk. Klink vir my of almal net so paar woorde oor en oor sê. Niemand hoef te weet wat dit beteken nie. Tot ek iemand ontmoet het wat sê dit klink elke keer anders. En hy dink nie daaraan nie. Dit kom spontaan uit sy mond. En dan gee die Here vir hom ook die uitleg. Wow! O! Bloosgesiggie maal ‘n duisend keer!

Maar dis okay. Dis ‘n baksteen uit my toring wat moes val.

En op ‘n dag, kom daar ‘n hele paar verdiepings afgetuimel. Toe ek vir ‘n swanger mamma bid en ‘n mooi woord gee oor haar baba seuntjie. Ek het so heilig gevoel! So bly dat ek vir haar so woord van die Here kon gee. Jy sien, ek is ‘in tune’ met die Here. Dis wat my gesig gestraal het. Toe is daardie baba stilgebore. En ek struikel oor klomp bakstene wat in my pad nou lê. Huh?! Die Here maak mos nie foute nie. Hy het dan gesê die kind het ‘n blink toekoms! Dalk blink in die hemel! Ek moes verkeerd gehoor het. Nie net verkeerd nie. Sommer eintlik nie sy stem gehoor het nie. Net als self opgemaak, om goed te lyk. Eish! Toe nie so ‘in-tune’ soos ek gedink het ek is nie. Dat ek daardie ma kon hoop en woord gee vir haar baba, net om hom te verloor, breek my! En ek sien nou, daardie breek was/is nodig.

Want toe die stof en rommel van my toring gaan lê het, sien ek die heerlikheid van die Here se genade. Ek kon nie nader aan Hom wees as wat ek reeds was nie! Hy het afgekom tot my toe! Ek bou verniet ‘n toring na Hom!

Al die goed wat ek gedoen het, het my laat dink dat ek geregtig is. Geregtig om God se vriend te wees! Geregtig om een van sy gunstelinge te wees. Geregtig na sy beskerming. Dit wat ek doen MOES Hom beïndruk het! Behaag het. Dat Hy oor my lewe en my dade sou glimlag. Dat Hy wel behae in my sou vind.

Maar dis als skynheiligheid. Selfregverdig. Eiegeregtigheid.

God het ons nie meer lief as ons reg lewe nie. Ek kan nie sy liefde koop met my goeie werke nie.

My nuwe tema liedjie se eerste vers gaan so: “I’ll never be more loved than I am right now
Wasn’t holding You up
So there’s nothing I can do to let You down
It doesn’t take a trophy to make You proud
I’ll never be more loved than I am right now” ‘Jireh’ geskryf deur Chandler Moore.

Hehe, elke keer as ek probeer ‘n foto van myself oplaai tot die artikel, glitch die app. Dit gooi my foto weer uit. Maar die foto van die toring van Babel werk eerste keer. So, die Here praat darem nog met my.

#lessofme #allofyou

By |2022-05-03T05:05:12+00:00May 3, 2022|Uncategorized|0 Comments

Wêreldlande Jaar 1

In 2021, het ek en ‘n 100 ander gesinne deur 23 lande gewerk! Ons het hulle meestal in Engels geleer, so ek lys hulle hier met die Engelse spelling: Albania, Australia, Botswana, Brazil, Canada, China, Denmark, England, France, Egypt, England, France, Germany, Greece, Haiti, India, Israel, Italy, Japan, Kenya, Lesotho, Madagascar and Mexico.

Nathasia van der Walt se drie dogters het sulke mooi maskers gemaak vir Brazil se Karnivaal!

Wel, die gesinne wie my volg op my WhatsApp Klub het al die werk en idees ontvang en kon kies wanneer hulle aan die land werk. Daar is geen druk om saam ons te vorder nie. En party kon net by so paar lande uitkom. Maar dis die vreugde en voorreg van tuisskool: gesinne werk volgens hulle eie pas! Hulle doen net wat hulle nuuskierigheid prikkel en waarvoor hulle tyd kry. As hulle siek of weg was met vakansie, kon hulle later aan die land begin of dit heeltemal skip.

Die oulike werk van die Kritizingers!

Ek en my kinders het ook baie oor elke land geleer. Sommige kere, het ons meer in diepte gedelf. Soos my oudste wat oor Moeder Teresa geleer het met Albanië omdat die verpleegster daar gebore was. En my 11-jarige wou graag oor tiere leer toe ons Indië dek. En my 8-jarige was gretig om die Mexiko lapbook te maak! So hulle het lêrs met klomp skootboeke in van baie lande.

Lapbooks is manila lêrs met opsommings en gevoude papiertjies met feite en prentjies oor die land. Dis ‘n baie viseuele manier om inligting oor die land te rangskik en sodoende leer.

Israel Lapbook

Ek moet sê dat om die Whatsapp groep te bestuur het my forseer om werk te soek op die Internet en af te laai. Ek moes dikwels die lisensie koop om dit met ‘n klas te deel. Die Whatsapp groep is dus my klas en ek deel pdf’s slegs met hulle. Dit kos R99 per maand en sluit so baie wonderlike inhoud in!

My dogter beeld Haiti

My Ilani wys hoe trek Haiti vrouens aan.

Ek vind meeste lapbooks vanaf Homeschool Share. Hulle het die werkkaarte en eenheid studies verniet! Sommige lande soos Haïti en Lesotho was moeiliker. Inligting oor die lande was nie so volop op die wêreldweb nie. Dan moes het meer noukeurige soek en self oplees en inligting deurgee aan my klublede.

Ek plaas net goed op die WhatsApp groep Maandae tot Woensdae. En dis pdf’s met lapbooks en drukbare werkkaarte. So ons leer oor die vlag en kyk na die kaart en bekendste plekke in die land op ‘n Maandag. Dinsdae probeer ek kunsflyt idees stuur vanaf Pinterest. Iets oulik oor die land se nasionale dier of craft idees vir ‘n gebou of landmerk. Woensdae stuur ek nog prentjies en pdf’s sodat mens kan uitdruk en ‘n temabord versier as jy wou. Ek stuur ook resepte sodat mens die tradisonele kos kan maak van daardie land.

Soms stuur ek ‘n video waar my kinders ietsie sê of verduidelk van die land. Die videos is ongelukkig te groot om hier op te laai. Maar kyk gerus na my blad Kieswetter Klaskamer op Facebook.

So wat sê die mammas wat die jaar op my groep was?

Nathasia sê: “Wow, waar om te begin. Van Albanië tot Mexiko, wat ń avontuur! Ons het soveel pret gehad terwyl ons geleer het! Dit was ń wonderlike avontuur om saam my meisies te deel🤗”

Joanne de Jonge sê: “Ons geniet die wêreld lande vreeslik baie saam met julle en as mamma waardeer ek die ekstra tyd wat ek spaar met al die inligting wat jy stuur.”

Marilé Otto sê:
“Baie dankie vir al die info. Ons geniet dit so om die wêreld saam met jou en jou kinders te ontdek. 😃” Hierdie is haar kinders se pragtige lemurs toe ons leer oor Madagaskar! Hulle is Shaun 13, Imi 12, Jean 11, Luna 7

Marilé se kinders se ouderdomme beeld goed uit hoe die Wêreldlande Klub vir baie ouderdomme kinders werk. My tweeling is 5 die jaar en ek is verbaas oor hoe baie hulle onthou! My Michaela kind het vir al geniet om te leer hoe groet mens in verskillende tale. Sy sal op ‘n dag vir my sê: “Mamma, Goeiemore, hello, Ola, Bonjour, Shalom, Namaste en Kownichiwa!” Wow, het my hart gebars van trots!

Hier werk Michaela aan haar bonsai boompie vir Japan.

So kleintjies kan baie leer en deelneem. Asook ouer kinders. My oudste was 13 die jaar en het die meeste geniet om te kook en verskillende kulture se respete te kook. Sy besef hoe mense heeltemal anders kosmaak en hoe geure en bestandele verskil van land tot land. Ons was bevoorreg om kooklesse by te woon by Elvana Bunsee se huis. Sy het resepte genavors en uitgetoets en aangepas vir ons kinders. Sy het hulle mooi uitgetik en my toegelaat om dit op my Wêreldlande groep te deel.

Hier maak my Janéy en Ilani sushi by Elvana se kookklas!

So, meeste van die pdf’s is in Engels. So Engelse gesinne kan vir seker ook aansluit by Wêreldlande WhatsApp Klub. Maar ek het iets spesiaals vir die Afrikaans gesinne: ek lees elke keer ‘n verhaal van die land vanuit die uitstekende reeks boeke: ‘Kinders van die Wêreld’. So Afrikaans gesinne sowel as Engelse kinders kan die Wêreldlande geniet!

Hoekom WhatsApp? Wel, ek werk ook om ‘n geheuestokkie saam te stel met al die werk van die jaar daarop. En dit gaan binnekort te koop wees! Maar die WhatsApp Klub beteken dat mens saam ander gesinne week vir week aan die land werk. Ek gee, na elke 2de week, geleëntheid vir die mammas om foto’s te deel van hulle werkies. Dit spoor ons almal aan en inspireer ander mammas met nog oulike idees! Mens voel dat jy saam tuisskool al is ons elkeen by ons eie huise.

Hier versier my 8-jarige Tenike haar Madagaskar vlag met eetbare goedjies!

Om aan te sluit by Wêreldlande WhatsApp Klub, kliek die skakel. Mens kan per maand betaal of vir die jaar vooruit, wat goedkoper uitwerk.

Wêreldlande Deel 1 eindig met Mexiko. Ek beplan om eers in 2023 verder met nog 20 lande Deel 2 te voltooi. Dit sal lande dek van Mongolia tot Zimbabwe! So hou die blad dop om daardie jaar saam ons te toer deur nog Wêreldlande!

By |2022-01-04T15:50:43+00:00December 7, 2021|kurrikulum|2 Comments

My kinders is bederf

‘n Groot argument teen tuisskool is dat kinders blootstelling moet kry aan tawwe tye. Die uitdagings, swoeg en sweet van skool maak kinders sterker.

Ek moet sê ek bekommer soms dat my kinders erg bederf is. Hulle het ‘n woes lekker lewe! Kom ek wys jou.

Hulle kry soms ontbyt in die bed. Al is dit nie hulle verjaarsdag nie. Hier sommer wafels en roomys vir ontbyt!

My kinders hoef nie vroeg op te staan nie. Hulle gaan slaap tussen 20h00 en 22h00 (hang af van ouderdom) en word wakker tussen 7 en 8uur. Geen jaag nie.

Hulle kies wat hulle wil aantrek en ken nie die verantwoordelikheid van uniform mooi oppas en uitsit vir die volgende dag nie. Ek moes my skoolskoene polish. My girls sal nie weet hoe nie.

My tweeling mag stories kyk en kom eers bietjie later Klaskamer toe.  Hulle werk solank soos wat hulle wil, maar maak gewoonlik so paar werkkaarte klaar. Ek of sussies is naby om te help en verduidelk. En dan gaan speel hulle.

As hulle moeg of nie lekker voel nie, weet ek, en gee genade. Ek weet hoe was hulle nag en hoe vrolik het hulle opgestaan. So ek kan aanapssings maak aan die dag se werk sodat ek net vir hulle lees as hulle energie min is. Ek vra watse letter wil hulle leer? Ek toets sommer deur te vra wat ken hulle al en sien wat moet ek hersien.

Mamma is hulle Juffrou. Hier gooi Nivea dobbelstene en doen haar sommetjies.
Buite werk is ‘n welkom verandering.

Hulle speel so baie! Hulle doen geen huiswerk nie, so as skoolwerkies 11uur klaar is, mag hulle speel! Pouses kan halfuur tot ‘n uur duur. As ek sien hulle speel te lekker, los ek hulle en werk saam my oudste aan iets. Die dag is so aanpasbaar dat ons later verder kan werk of die werk uitstel tot more.

Lentedag tent in die tuin. Hulle speel graag ‘Survivor’.

So, my kinders weet nog nie mooi van sperdatums nie. Daars nie verpligte take nie. Net hier en daar vir drama of kuns (of Spaans vir my oudste) is daar ‘n taak wat hulle by die huis moet voltooi. Dan is dit so nuut en ongewoon dat hulle dadelik aan die werk spring en baie tyd en moeite gee daaraan. Hulle neem so baie trots daarin. Dis dan hul enigste werkies wat hulle vir ‘n ander Juffrou moet inhandig!

En dis hoe dit met eksamens gaan wees. My amper 14-jarige het nog nooit eksamens geskryf nie. So wanneer sy eventueel een moet skryf, gaan dit splinternuut wees! Sy gaan baie ou papiere oefen en seker maak sy dek al die inhoud. Sy gaan studie metodes opswot en baie gereed wil voel. Want sy wil haar bes doen in die nuwe ervaring en die groot toets van haar vermoë. Wel, dis wat ander tuisskool mammas getuig. Dis blykbaar wat met hulle kinders gebeur het.

Ons gaan dikwels met vakansie in die skool kwartaal.

Hier was ons by die see op ‘n Maandag.

My kinders sien ten minste een keer per week hulle beste maatjies. Hierdie week het dit gebeur dat ons by ‘n restaurant sit 10uur die oggend en hulle lek vrugte ysies.

En die ander dae kuier hulle met kinders van alle ouderdomme. Dit hang af van ons planne, naskool aktiwiteite en watse kuiers met nuwe tuisskool gesinne ek reël. So hulle speel maar met kinders wat daar is. Al is dit seuntjies wat 7, 5 en 3 jaar oud is. Of klein kleuters wat hulle meer oppas as mee speel. Of kinders wat nie hulle ouderdom is nie maar hulle vind vinnig goed wat hulle in gemeen het.

Maar my dogters is mekaar se beste maatjies. Hulle kliek so goed! Soms speel die middelkind met die oudste twee en ander kere speel sy met die tweeling. Soms speel die oudste met die tweeling of chat met haar tweede sus tot laat in die nag. Nommer 2 en 3 is baie geheg aan mekaar en gee drukkies na die een by drama of ballet was! En die tweeling is natuurlik mekaar se beste-este vriendin.

Hulle ken mekaar en weet presies wat maak mekaar lag of huil. Wat om te sê as die een kwaad is of hoe om aandag af te trek sodat die tantrum ophou. Hulle baklei ook, maar dis meestal oor dat die een nie genoeg luister of stilbly sodat die ander een kan praat nie. 🤭

Skoolkinders werk vir seker harder as my spul. Ek weet dit vir ‘n feit. As ek sien dat my Graad 5 kind moet sinne oorskryf met kommas by, dan sê ek, sy kan net komma inskryf waar dit hoort. Sy leer steeds oor die doel en plek van ‘n komma. Sy skryf net minder. Ilani en Tenike verkies ook teken as baie skryf, so as hulle eerder die prentjie kan teken, dan doen hulle. Of plaas van spelwoorde 5 keer uitskryf, is een keer genoeg solank hulle dit ken.

Baie van hulle werk, het hulle self gekies. Soms, druk ek hulle om die bladsy klaar te maak of werk te doen wat hulle minder geniet. Maar hulle is nuuskierig oor sekere goed en ek laat hulle dit navors en projek daarvan maak. Hulle werk langer en meer aan hulle gunsteling vakke en korter en minder aan dit wat hulle uitput en nie van hou nie. So ek maak die reëls. En dis altyd ten gunste van hulle.

Is julle al naar van al die bederf? Ek weet dis VET bederf. Ek glo ook te veel van ‘n goeie ding kan sleg wees. Ek moet soms deel met verkeerde gesindhede, ondankbaarheid of onvergenoegheid. Dis dan wanneer ek dink om hulle skool toe te stuur: sodat hulle smaakie kan kry van die ‘regte’ wêreld. Ek kry sulke dae. Ek worstel met sulke gedagtes. En dis nie eers al nie!

Ons het vir Brenda, ons voltydse bediende. So huistakies is minimaal. Hulle help net op naweke met skottelgoed en opruim. Brenda se hulp gee my baie tyd om met hulle te spandeer. Hulle is so gewoond aan my konstante teenwoordigheid dat ek ‘n groot welkom en drukkies kry as ek oor naweke terugkom van die winkels af!  O dit was Maandag toe ek gaan dans het. Het my girls by my man Timothy gelos en was weg vir 2 ure. Toe ek by die huis instap, is daar 5 liefies om my te verwelkom! Was die beste ‘group-hug’ ooit! 😄

So, ek weet nie presies wat gaan die uiteinde wees van al die bederf nie. Ek gaan oor ‘n paar jaar die vrug pluk van hierdie tydperk. Gaan dit vrot vrugte wees? Gaan ek berou oor al die liefde en aandag wat ek hulle gegee het? Wat gaan hulle maak met die vrye teuels wat ek vir hulle gee?

Hulle gaan iemand anders baie kan bederf, dis vir seker. Hulle gaan presies weet hoe!

O, en hierdie is my oudste dogter se stoel. Pappa kry ‘n nuwe een en bring die een huis toe. So sy sit en werk by haar lessenaar op die kantoorstoel. #nogbederf #luuksestoel😋
By |2022-01-04T15:59:14+00:00November 13, 2021|Uncategorized|5 Comments

Resensie: Sommer Pret

Lizelle Rademeyer is die breins agter die nuwe Wiskunde aktiwiteit boekie. En in my kinder se woorde: “Sy is ‘n baie slim tannie om hierdie te gemaak het!” 

Lizelle het 3 kinders van haar eie wie sy tuisonderrig. Hulle is baie lief vir wiskunde en dus moes sy heeltyd met vars werkkaarte vorendag kom. Sy het toe gesien watse aktiwiteite is die kinders se gunstelinge en haar eie dan ontwerp. 

  

Sy het drie boekies waarvan Sommer Pret 1 die een is wat vir my kinders se vermoë gewerk het. Hulle is 8 en 6. My kinders moet aangemoedig word om wiskunde te doen en daarom was Sommer Pret vir my ‘n fantastiese flinkdink fortuin! My kinders was actually gretig om daarin te werk! 

Die aktiwiteite is uitdagend genoeg om hulle breine te laat werk maar prettig genoeg om hulle belangstelling te behou. Ek dink dis unieke aktiwiteite en verhoog hulle IK. Ek het soortgelyke probleme al self in ‘n aanlyn IK toets voltooi en voel daarom in my noppies dat my kinders dit ook kan verstaan. 

Janéy sê hierdie was moeiliker as ‘n woordsoek. Sy het die uitdaging geniet!

Ilani (6) met haar gunsteling bladsy.

My kunstige Janéy het die patroon uitdagings geniet!

 

 

Almal tel saam!

Daars 30 aktiwiteite en die antwoorde agter in die boek. Dit maak die harde kopieë van die boek verseker vir my die R60 werd!

Gaan lees meer oor die inhoud van Sommer Pret 2 en 3 by https://lomi.co.za/sommer-pret/ Ek sal dit sterk aanbeveel vir kinders wat moeg is om maaltafels te oefen en iets anders soek om wiskunde weer te geniet! 

Bestel joune vandag deur om Lizelle te e-pos by info@lomi.co.za

Volg verseker die wiskunde wenner se Facebook blad ‘Sommer Pret’ om op hoogte te bly van Spesiale Aanbodde. 

En as jy nie kan wag vir jou Sommer Pret in die pos nie, laai solank die soortgelyke Robot of Lente Pretpak by https://teachingresources.co.za/vendors/lomi/vir slegs R12 en R15 af. 

By |2016-09-30T12:10:55+00:00September 30, 2016|Uncategorized|0 Comments

Ons maak die Jesus standbeeld 

Omdat die Olimpiese Spele die jaar in Rio Janeiro plaasvind, het ek besluit dat ons die groot Jesus standbeeld moet maak. Die kinders sien dit baie op televisie wanneer hulle die Olympiade kyk, so om die model daarvan te maak sal dit verder in hulle breine vasmaak.

 

So hoe dit werk in ons tuisskool, ek dink so paar dae aan die ding wat ek wil maak en hoe ek dit gaan doen. Ek soek idees en handleidinge op Pinterest maar daar was niks. Dan versamel ek die goed wat ons nodig het om die projek te maak. Ek vertel die kinders my idee en gewoonlik wil hulle dadelik begin om daaraan te werk. Maar ek kan nie altyd dadelik help of toesig hou nie. So soms moet hulle vir my wag, soms vir dae lank, voor ek tyd kry om aandag te gee aan ons idee. Dis hoekom beplanning en skedules nie vir my goed werk nie. Ek moet elke dag vat soos dit kom. As die tweeling sleg geslaap het die nag, gaan ek nie iets intensiefs en veeleisend aanpak nie. Ek gaan die dag stadig in en laat die kinders speel tot hulle vreugde bekers oorloop. Ander dae, voel ek fluks en bedrywig. Ek gryp die bul by die horings en roep die kinders nader om te werk. 

So ek het ‘n ou plastiese drinkbottel in die stoorkas gesien wat perfek sal werk vir ons Jesus standbeeld. Sy formele naam is Christ the Redeemed, vertaal na Afrikaans toe is dit seker, Jesus die Verlosser. Ek het reeds klei en tipe gips in my stoorkamer wat ek lank terug gekoop het. Só lekker as ek al die gereedskap reeds het en hoef nie iets te gaan koop nie, (want dit gaan die hele projek weke uitstel!) 

Sodra ons ‘n tydjie het, wat op ‘n Vrydag geval het die week, begin die kinders die bottel met klei toemaak. Dis nie presies die metode wat ek in gedagte gehad het nie maar ek sien dit gaan werk en los hulle. Dis wat ook nodig is om tuisskool mamma-juffrou te wees. My idee was om die klei netjies plat te rol en dan die bottel egalig toe te maak daarmee. Hulle breek stukkies klei af en plak. Dit het dieselfde eind resultaat- ek los hulle. 

  

Ons soek iets om Jesus se kop te wees. Verskeie voorwerpe is getoets vir grote en vorm tot ons op ‘n ou vitamien botteltjie afkop wat perfek sal werk. Die word ook met klei toegeplak. 

Janéy vorm Jesus se gesig daarop. Sy geniet haarself. Ek hou ‘n baba vas en kyk oor haar skouer. Dit lyk nie vir my reg nie maar ek sê niks. Dit maak nie saak nie. Toe raak die klei op en ek moet die babas aandag gee en daar laat staan ons die taak. 

Ek wonder of dit nou die einde is daarvan. Maar deur die nag dink ek aan wat ons vir arms kan gebruik: plastiese messe! En ek het sout en meel in die spens, ek sal sommer gou nog gewone klei maak. Saterdagoggend, slaap die een tweeling sussie mooi, ek lê haar sussie neer op die bank en maak vinnig nog klei. 

Ek maak gate in die bottel en klei met ‘n skerp mes, die plastiek messe pas maklik daarin. Die kinders hou baie daarvan- dit lyk vir hulle soos ‘n vliegtuig en hulle vlieg met Jesus eers so bietjie om die kombuis.  

Dan is dit tyd vir die pleister. Ek het hierdie Plaster-Cloth by Jimnettes gekoop. Dit kom as ‘n rol wat jy in repe kan sny. Dip dan in lou warm water en sit dit op. Baie maklik! Jy kan dit nog bietjie buig en vou terwyl dit klam is maar dit word hard wanneer droog. 

Ilani gebruik ‘n kwas want dit lyk lekker.

      

Nou wil ek ‘n agtergrond maak daarvoor met bietjie inligting op maar dis naweek en die kinders wil speel. (Wel, hulle wil elke dag speel.) Ek ‘squueze’ so bietjie werk uit hulle uit. 

  

Ilani kleur Brasilië se vlag in. Janéy onthou die Olimpiese ringe se kleure van laas week se inkleur opdrag. Die ringe verteenwoordig die 5 Landgroepe wat in die Olimpiese Spele deelneem: Africa, Europ, Asia, Americas, Oceania. 

Die Jesus standbeeld is 30m hoog en sy arms strek 28m wyd. Dit was ontwerp deur die Franse beeldhouer Paul Landowski en gebou deur engineers Heitor da Silva and Albert Caquot. Dis gemaak van speksteen. Dit het 9 jaar geneem om klaar te maak vanaf 1922-1931. Al hierdie feite is gerangskik op ‘n lig-die-flap papiertjies om maklik dit te kan sien

  

Daars oop kolle, dink dit kon beter en netjieser gedoen word. Wonder of daar ooit, in die geskiedenis van webjoernale, iets geplaas word wat nie 100% perfek is nie? Ek sou  dit self mooi wou klaar maak maar moet vrede maak dat ek nie nou sal kan nie, ek wieg meeste van die dag ‘n baba. En buitendien, my kinders gaan niks daarby baat as ek hulle taak mooi voltooi nie. 

  

By |2016-08-15T08:48:29+00:00August 15, 2016|Uncategorized|0 Comments

Wat is unschooling? 

Met die tweeling wat my so baie besig en moeg hou, het ek sonder opset die wêreld van ‘Unschooling’ betree. Wikipedia defineer unschooling as “an educational method and philosophy that advocates learner-chosen activities as a primary means for learning.” In plein Afrikaans, is dit: jy los die kind om self te besluit wat hulle wil leer. 

Eeeeek! Dit klink mos nie reg nie! Watter kind gaan kies om te werk? Wel, verbasenlik kies baie kinders om te werk en geniet om dit te doen wanneer hulle gelos is in ‘n omgewing waar hulle kan leer. So, die filosofie is dat as jy ‘n kind los in ‘n omgewing wat vindingryk is, dit beteken: daars klomp interessante boeke en ensiklopedies op die rakke; daars ‘n rekenaar en Internet toegang; opvoedkundige speelgoed en apparaat orals en ‘n beskikbare volwassene, gaan die kind vanself iets kies om aan te werk en BETER leer as ‘n opset waar feite in ‘n kind se brein gestop word. 

George Bernard Shaw sê: “What we want to see is the child in pursuit of knowledge, not knowledge in pursuit of the child.” 

So hoe sal dit lyk? Wel, ek het vir jou ‘n voorbeeld uit ons eie tuisskool reis. Ek lees die ander dag vir my kinders die storie van Mrs Tittlemouse deur Beatrix Potter. Sy bly in ‘n ondergronds se huisie met klomp kamers. Die storie is regtig baie oulik en my kinders het sommer opgestaan en begin uitbeeld hoe Mrs Tittlemouse die modder voetspore van die padda-besoeker skoonvee. Hulle het dit baie geniet. So paar dae later, teken my oudste ‘n ondergrond huis wat sy baie graag wil bou. Sy vra my hoe om die woord ‘kamer’ te spel en merk dan al die kamers in haar huis. Sonder dat ek sê sy moet, leer sy klomp nuwe spelwoorde. (En sy oefen dit weer die volgende dag toe sy nie haar tekening kon vind nie en moes van voor af begin.) 

 

Janéy wil só graag hierdie huisie bou dat sy begin dink hoe kan sy genoeg geld maak om dit te kan doen. Sy vra my watse werkies kan sy in en om die huis doen om geld te verdien. Sy gee haar Pappa ‘n hot stone massage en sit nog ‘n geldjie in haar sak. Sy maak lysies van wat sy alles gaan nodig hê om hierdie te bou. Sy vertel my elke aand hoe vasebrade sy is om haar droom te laat waar word. Sy sê: “Mamma ek gaan hierdie bou en niks gaan my keer nie.” Hoe kon ek my kind se ‘bubble’ bars deur om te sê dis ontmoontlik? 

Ek besluit om eerder sagkens die engineers aspekte te bespreek soos dat daar nie vensters sal kan wees nie, so hoe kry mens lig en lug daarin. Sy besef sy gaan ventilasie pype moet inbou en teken ligte. Ons praat selfs oor ‘n kaggel en ‘n skoorsteen. Al hierdie dinge kry haar brein aan die gaan en sy gesels ure met haar sussie oor haar planne. 

Vanoggend vra sy my vir my foon om die ‘calculator’ te gebruik (is dit ‘n sakrekenaar as dit op jou foon voorkom?) Sy wil al haar geld optel. So ek wys haar hoe sente 0,1 en 0,5 gaan wees en rande 5 en 10 ens. Sy snap vinnig en tel al haar geld op tot by R92,50. Sy voel baie ryk. Sy skree van opgewondeheid dat sy naby R2000 is en dit sal genoeg wees om haar ondergrondse huis te bou asook meubels te koop en dalk as daar iets oorbly, lekkergoed ook! Ek besluit ek gaan moet verduidelik hoe baie so projek sou kos. Ek breek die nuus aan haar: Sus, met R2000 kan mens dalk een bank koop. Haar mond rek met verbasing. Julle bunk bed was R2500! Sy antwoord dat sy 2 beddens gaan nodig hê en daar besef sy hoe buite haar bereik dit is. Haar skouers val. Ek sien hoe slat die teleurstelling haar. Ek probeer troos: Selfs grootmense het nie genoeg geld om hulle huise te bou nie! Ek beskryf hoe hulle moet geld leen by die bank om ‘n huis te bou. Ek stel voor dat sy spaar om ‘n Sylvanian familie pophuis te koop. Dat dit binne haar bereik is. Ek vertel haar hoe ongelooflik great haar ondergrondse idee is – dis ‘n idee wat sy by Uitvinding Dag met haar tuisskool maatjies moet deel. 

Sy dink so bietjie en besluit sy gaan spaar om baie lego te koop. Ja! Dis nou ‘n blink plan. Dan bou sy solank haar droomhuis op ‘n kleiner skaal. 

So hoeveel vakke het sy geleer in hierdie een projek? Afrikaans, wiskunde, kuns (dy het klomp meubels ontwerp) tegnologie. Elk geval, ek weet van ‘n ander ‘unschooling’ gesin wie se voorbeeld baie meer indrukwekkend is. Die dogter van 7 bedryf reeds haar eie maatskapy. Bak kolwyntjies, neem bestellings daarvoor, reël vir oplewer en aflewer en hou rekord van als. Sy skryf kwotasies en doen basies rekeningkunde. Ek kan verstaan hoe dit van baie meer waarde is as om Graad 1 by te woon by ‘n skool. 

So dit kom daarop neer om die proses te vertrou. Soos ek verstaan is daar baie dae waar dit lyk asof niks gebeur nie. En dan is daar ongelooflike dae waar die kind wegspring met ‘n taak en floreer. 

Ek dink as iemand dit versigtig sou wou begin sal dit behels om baie vir jou kind te lees. Lees dalk net tot halfpad en los die res oor aan jou kind se nuuskierigheid. Bespreek die grootmens wêreld van besigheid en geld maak. Maak seker dat daar baie bronne en naslaanboeke rondlê vir jou kinders om in te loer. As jy (soos ek) nie bereid voel om die werkboeke te bêre nie, gee vir hulle opsies oor wat hulle kan doen. Laat hulle deur die boek blaai en self kies watse bladsye hulle gaan aanpak. Dit laat hulle voel dat hulle gekies het om te werk en daarom sal hulle dit klaar maak. Vra vir hulle waaroor wil hulle leer en dan doen julle dit in diepte. In ander woorde, julle skryf julle eie kurrikulum. Dis wat unschooling is! 

By |2016-08-10T11:28:15+00:00August 10, 2016|Uncategorized|8 Comments

Baby Sleep- let’s try something different …

Wat ‘n verligting om die artikel te lees! My babas is normaal! Al het ek reeds drie kinders gehad en ken die baba fase al te goed, is die uitdagings van ‘n tweeling ‘n hele nuwe leerproses.
Hoorah vir mammas orals wat die beste van ‘n moeilike situasie maak. Ek hoop elkeen wat probeer ‘homeschool’ terwyl hul jong babas het, sal troos vind in die artikel en die nodige aanpassings maak om hul kop bo water te kan hou.
Vir my is dit om dag vir dag te neem en nie uitspattige tuisonderrig projekte aan te pak nie, al wil ek só graag!

By |2016-07-25T12:03:29+00:00July 25, 2016|Uncategorized|0 Comments

Wiskunde Pretdag

Ons het vandag maats oorgehad om wiskunde speletjies te speel. 

1. Trappe van Rangtelwoorde Speletjie

Ek het die idee vir hierdie speletjie gekry in Janéy se wiskunde boek. Sy het die aktiwiteit geniet omdat  sy prentjies moes teken. Lees en wiskunde word ingesmokkel. 

  

Ek het toe rangtelwoorde geskryf en gelamineer. Toe plak ek dit op ons trappe. Ek skryf die nommers met ‘n item wat die kinders self moet lees langs dit. Ek het die kinders gevra om die speelgoed items bymekaar te kry. 

   

Ilani lees wat sy op die trap moet plaas

  

‘n Bal en ‘n sker op die vierde trap

Die ander items was dinge soos: pop, gom, wol. Goed wat ‘n Graad Eentjie kan lees. Moeiliker woorde vir ouer sus soos perd, bokkie en skaap. 

2. Paar die woord nommer met die syfers.

Wat jy nodig het:

My vriendin Teresa, het klomp Herbalife houers gebring wat sy gehad het. Maar jy kan enige plastiese houer of bakkies gebruik.

Pakkie lekkers. (Ek het liquorice All Sorts gebruik omdat daar lekker verskeidenheid is.) 

Syfers op vierkant papiertjies van 1-40 (of soveel houers as wat jy het.)

Skryf dan ook die woorde uit vir elke nonmer. 

Plaas ‘n lekker in elke houer, of onder ‘n bakkie. Plak die syfer nommers op die bokant van elke houer. 

  

Die kinders het die houers op die boma uitgepak in die regte volgorde 1-40. 

  

Gooi al die woordnommers in ‘n bak en laat die kinders een papiertjie uittrek op ‘n slag. Hulle lees die nommer, bv: een en twintig en dan soek sy die houer met 21 daarop. As sy dit kry, mag sy die sweetie daarbinne eet! 

Ilani het die woord ‘vyf’ gepaar met 5

Groot was die vreugde toe elkeen hulle woordjie reg lees en die houer vind! Hulle maak dit oop en gil oor die lekkertjie binne. Gou word nog ‘n woordnommer uit die bak getrek en die soektog vir die korrekte ooreenkomstige nommer begin! 

3. Groot Dobbelstene 

Dis baie maklik om groot dobbelstene te maak. Gerbuik enige kubus bokse. Ek het toevallig die regte grootte wit papiertjies wat ek op elke kant van die boks geplak het. Skryf enige syfers op. Hang af van jou kind se vermoë. Een dobbelsteen gaan + en – op hê. Vir ouer kinders kan mens x en gedeel deur ook opskryf. Ek het nommers 15-20 op die ander dobbelsteen geskryf.

  

Dan gooi of rol die kinders die dobbelstene en kyk watse som verskyn. Ek het potlode en papier voorsien sodat hulle die som kan neerskryf en makliker uitwerk. 

Ek besef nou dat ons die quiche wat ons vir middagete geeet het, kon gebruik het om breuke op te skerp! Ek wil ook nog ‘n springtou gebruik om in 2’e te tel. 

Die Wiskunde Pretdag was ‘n reuse sukses! Ek hoop om nog klomp sulkes, saam maats, met nuwe speletjies, te geniet! 

By |2016-04-30T10:18:19+00:00April 30, 2016|Uncategorized|3 Comments

F vir Frankryk 

Wat ‘n lekker week het ons gehad in Frankryk! C’est tres bien! 

Ons het Maandag eers gewerk met die F-letter. Kyk hierdie oulike boek wat ek by PNA gevind het:

    

   

 

Sodra ek besluit op ‘n tema, soek ek goeie bronne daaroor. Gratis reeds ontwerpte skootboeke oor Frankryk (soek vir ‘lapbooks’) is by hierdie webwerwe: http://files3.homeschoolshare.com/docs32466/france_lapbook.pdf

En

https://drive.google.com/file/d/0B5AxvQBqfZAkdVNidWhkWTE2UlU/view?pref=2&pli=1

Dis so maklik om uit te druk, knip en plak. Ons vertaal die Engelse goed sodat ons skootboek hoofsaaklik Afrikaans is. Ons vergelyk die tyd in Parys met die tyd in Pretoria. Ook die bevolking van Frankryk met die van Suid Afrika. Ek sit met my foon by my en enige iets wat ons nie weet nie, Google ek dadelik. 

Die kinders werk soos ‘n span aan dieselfde skootboek. Een knip en die ander plak. Janéy skryf die woorde neer. Ilani kleur die vlag in. Ek sing al die Franse liedjies wat ek op skool geleer het. Tenike (2) verf haar eie Franse vlag in haar boekie. 

   

  

You Tube het teleurstellend min goeie videos gehad oor Frankryk. Dalk het ek verkeerd gesoek maar daars min om aan te beveel. Die bekende Franse liedjie “Alloutte” beteken dat jy die voël se vere gaan uitpluk! Uitpluk uit die voëltjie se kop (la tête), sy snawel (la bec), sy vlerke en rug en so aan! Dit klink baie wreed op ‘n oulike deuntjie. Frere Jacques is veiliger!

Hier is fotos van ons skootboek:

   

Ek het weer vinnig in ‘n Flight Centre ingeloer en gevra vir ‘n reis boek wat Frankryk insluit. Hulle gee dit verniet vir my en ons sny die mooiste fotos oor Frankryk uit!  

  

 Feite oor die Eiffeltoring is baie interessant en pas in die koevertjie bo. Wanneer en waarom dit gebou is, wie was die hoof argitek, hoeveel trappe is daar binne en hoe baie verf neem dit om die ding te verf!!

 

Toe ek hoor dat ons maats ook oor Frankryk leer op die oomblik, reël ons ‘n Franse dag by hulle huis! 

Saartjie het by Jimnettes ‘n Eiffeltoring gekry vir R30 wat maklik saam gesit word. Sy het ook die kinders gehelp om die Louvre gebou aan mekaar te plak. 

   

  

 

My vriendin was gereed met self-gemaakte esels en houtkool vir die kinders om mee te skets. Hulle het soos ware Franse kunstenaars gelyk! 

  

   

 

Ons het ‘n Franse fees gehad met ‘n baguette en kaas, macaroons en sjokolade-gevulde croissants! Die kinders het hulle glasies van druiwesap geklink terwyl Franse musiek in die agtergrond gespeel het. 

  

Ek is so dankbaar aan die Here vir die voorreg om saam met my kinders sulke dae te kan hê! Ook om wonderlike vriendinne te hê soos Saartjie en haar kinders om die tuisonderrig reis mee saam te deel! 

  

By |2016-03-06T05:41:29+00:00March 6, 2016|Uncategorized|1 Comment
Go to Top