Welkom aan al die nuwe tuisskolers! Daar is elke kwartaal nuwe gesinne wat op hierdie tuisskool avontuur begin en ek ontmoet hulle op sosiale media.

Ek sien ‘n nuwe tendens  waar splinternuwe tuisskolers wil weet “By wie tuisskool julle?” En dit laat my besef dat baie mense onder die indruk is, dat mens slegs deur ‘n kurrikulum verskaffer of instansie, kan tuisskool. Ek wil graag die goeie nuus verkondig dat jy NIE deur iemand of iets hoef te tuisskool nie. Julle kan self julle eie kurrikulum saamstel!

Voor ek verder verduidelk hoe so kurrikulum sou lyk, wil ek die groot vraag antwoord: Wat van eksamens en rapporte?

Want die hoofrede hoekom baie gesinne dadelik na instansies en verskaffers draai, is dat hulle punte as noodsaaklik aanskou. Rapporte sal rustigheid en sekerheid gee dat jou kind nie agter is nie. Dat hulle mag vorder na die volgende graad toe. Dat hy eendag Matriek sal kan skryf. En ek verstaan die behoefte aan vrede en sekerheid. Maar daar is ‘n ander manier!

Daar is ander maniere om ‘n Matriek-ekwivalent te kry. Naamlik, Britse skoolverlating eksamens (Cambridge of Edexcel), of American High School Diploma of die GED. Die laasgenoemde gee nie universiteits-vrystelling nie, maar maak tog deure oop in sekere tertiëre instansies wat dit aanvaar.

Al drie hierdie roetes kan ‘n tiener eenvoudig die silabus koop en daarvoor begin voorberei SONDER ‘n rapport of bewys dat die kind Graad 7 (of enige ander graad) voltooi het! In ander woorde, enige 14-jarige kan die handboeke aankoop, tutors se hulp inkry, aanlyn videos kyk, ou papiere skryf en oefen en hulself baie goed gereed maak vir die skryf van die eindeksamens. Hulle neem dan daardie eksamen uitslae na Umalusi  en volgens die punte, kry universiteit-toelating. Of swot nog kursusse in ‘n belangstellingsveld. Of begin dadelik werk.

Hierdie beteken dat laerskool kan lyk nes julle wil! Solank jy jou kind voorberei om hoërskool werk te kan doen, om algebra en meetkunde te kan verstaan, om opstelle te kan lees en skryf in Engels en Afrikaans asook Wetenskap genoeg verstaan sodat hulle hoërskool fisieka en chemie sal kan handhaaf, kan julle soveel ompadjies en russtoppe neem soos julle kies!

Laerskool kan dan baie speeltyd inhou. Geen huiswerk of eksamens is nodig nie! Baie biblioteek besoeke en projekte wat jou kinders graag oor wonder en belangstel. Julle kan die wêreld reis of Suid-Afrika toer en kamp in tente orals! Watse leerskool sal dit nie wees nie?! Julle kan baie wetenskap eksperimente doen of baie tyd aan kook en kosmaak spandeer. Groentetuine maak of julle tyd by ‘n vrywilligeids organisasie aanbied. Ek weet van tuisskolers wat deeltyds help by diereskuilings of gereeld by die dieretuin uithelp. Daars tyd om die skilderagtige roete te neem.

Mens kan handboeke koop by PNA of bestel van die uitgewers self. Om werk te kry is geen probleem nie. Die Internet loop oor van werkkaarte, webwerwe en skoolprogramme, (so paar wat verniet is!). As jy kan uiprint, kan jou kind skoolwerk doen.

Die enigste beperking is of mamma en pappa moet werk of nie. En selfs dit word minder van ‘n hekkie deesdae. Ouers werk deeltyds en tuisskool ook! Hulle neem hulle werk saam met hulle op vakansie en ook dan in die kwartaaltye. Hulle werk in die aande of vroegoggend en skuif die tuisskool tyd aan om in te pas. Vanaf almal geleer Zoom het, kan vergaderings basies enige plek of tyd gebeur!

Ek hoop die artikel gee vir jou vars perspektief. Jy kan die leefstyl bou wat jy graag wil hê! Dit is moontlik om uit te breek van die aanvaarde patroon van huiswerk en leerwerk tot laat in die aand. As jy voel julle kan nie aangaan soos julle tans doen nie, moenie!

Lees kom nie maklik vir almal nie. Nie alle kinders kan leer lees slegs deur om klankies bymekaar te voeg nie. Swart woorde op papier plak nie van self in elkeen se kop nie. Soms moet jy, as onderwyser-mamma kreatief raak. Jy moet buite die boks dink en ‘n ander benadering probeer. Wat ‘n lekker sappige uitdaging is dit nie?! Dis was ek moes doen met my oudste wat lees moeilik vind. Hier is 10 idees wat ons gebruik het om lees meer lekker te maak!

1. Flitskaarte

Elke kind moet sy eie alfabet pak hê. Jy kan een koop: daar is’ n mooi kleurvol alfabet stel in die boek Afkrikaans Alfabet

Of maak sommer jou eie! Ons kon ons s’n lamineer maar jy kan sommer net karton en DC-fix gebruik as jy nie ‘n lamineer masjien het nie.

Dan kan die leerling die woorde bou wat jy sê hy moet. Hy pak die klankies saam. Daarom gaan jy so paar ekstra klinkers en letters moet maak wat dikwels meer as een keer in woorde voorkom, sodat seuna woorde soos ‘boom’ en ‘blaar’ ook kan bou.

2. Klei

Klei bly lekker of jy nou 2 is of 20. Dit werk goed om letters mee te vorm. Die fiesiese beweeging en groot motoriese inspanning om die letters te maak en dan die woord te bou help die brein om dit beter te onthou.

Die kind kan ook n tandestokkie neem en die oefen woord skryf in die klei.

3. Plakkers

Plakkers is so oulik deesdae! Mens kry in allerande fonts en alfabet soorte. Plak eenvoudig elke letter op ‘n doppie (ons versamel permanent doppies van melk en koeldrank boksies). En dan kan leerling woorde bou en spel tot die son sak!

Hierdie plakkers is gemaak van skuim papier so dit is nie plat op die papier nie. Mamma kan woorde bou en dan kan sussie dit voel en uitspel en lees. Boetie kan vir sussie ‘n woordjie bou en dan kan sussie geblindoek word om te lees. Dis uitstekend om die brein paaie vas te lê deur om die woord te voel en dan ‘sien’ in jou verbeelding.

4. Blokkies

Gebruik Duplo of enige groot bou blokke en plak wit plakkers op of selfs ‘masking tape’. Skryf dan ‘n letter op elke kant en laat liefding woordjies bou, letterlik!

(My dogter het die letters op ons bou blokkies geskryf.)

5. Spel die woord met wat dit is.

Die fotos sê dit als.

My dogter het gesukkel om die woord eier reg te spel. Selfs al skryf sy dit oor en oor, het sy dit later die dag verkeerd gespel. So toe vra ek haar om die woord te pak met eierskille. Kon sy dit onthou? Later die dag ja, maar ek moes nou net weer herhinner, (dis wel 6 weke later). Meskien sal ons weer die oefening herhaal. 🙂 Ek besef dat al is die werkies prettig, die waarde van repetisie en herhaling kan nie onderskat word nie. Dit bly iets wat enig iemand moet doen om die breinpad duidelik te maak. Soos ‘n pad deur die veld, raak die neurologiese baan duideliker en makliker om weer op te loop, hoe meer keer jy daarop loop!

6. Tydskrif prentjies

Hier kan maatjie tydskrif prentjies uitknip en plak in ‘n boek of lamineer. Skryf dan die woorde neer op hul eie stukkie karton. Dalk wil jy vir eers die prente kies sodat hulle binne die leesvermoë is van jou kind.

7. Speelgoed

Gebruik speelgoed wat jy in jou huis het en skryf die woorde neer vir die diertjies en groente en enige speelgoed wat jou jong lesertjie graag mee speel. Dan moet sy die speelding pas by die woordjie. Lees eers saam deur al die woorde. Herhaal die speletjie vir die hele week. Aan die einde van die week, sal dit goed wees as leerling die woordjies kan neerskryf soos jy die speelgoed in ‘n ry gepak het.

8. Magnete

Yskas magnete is’ n wonderlike uitvindsel! Hierdie oulike manier om woorde te bou en oefen kom van Pinterest af.

9. Kos

Daars alfabet pasta te koop by Woolworths. En alfabet koekie knippers by sommige winkels. Julle kan alfabet koekies bak of sommer letters uit brood druk.

Vyf dogters maak my lewe dol… Dol gelukkig! 🙂

10. Plak dit op die voorwerp

Gee vir jou kind n pak woord van voorwerpe wat te vinde is in jul huis. Hy moet dan die woorde lees en dit plak op die voorwerp met wondergom. Orals in jou huis gaan daar woordjies wees wat sy oog oor en oor kan sien, lees en onthou. Woorde soos venster, deur, yskas, trap, kaggel, boekrak, toilet, wasbak, spieël, lamp, stoel, vensterbank ens.

Ook buite! My kinders het tot die klimraam en die tuinslang gebrandmerk met ‘n plakker. Ons kon nou nog nie die plakker van die glyplank afkry nie!

Dinge wat jy nie gaan beplak nie is seker die skilderye en die televisie. 🙂

Verskaf vir jou so plakker pakket vanaf n skryfbehoefte winkel. Jy gaan dit nog baie gebruik!

En as jy nie plakkers orals in jou huis soek nie, plak slegs kos en goed wat jy gaan weggooi. Of laat leerder net die woorde op papier skryf en orals plaas. Jy kan selfs dat jou kind fotos neem van die lysie voorwerpe wat jy in sy hand druk. Solank hy net lees!

My gunsteling ding om vir tuisskolers te sê is: fokus op jou kind se sterkpunte.

Dis die teenoorgestelde ding as wat die skoolstelsel doen. Die sisteem van toetse en rapporte is ingestel om te wys waarin jou kind sukkel. Waar moet hulle nog verbeter? Okei, daai en daai vak is goed, kry ‘n 6 en 7 maar hy sukkel nog met daai en daai. Punt 3 en 4 wys: moet nog verbeter.

So die kind en die ouer voel aanhoudend daar kort nog werk. Daar moet nog verbeter word. Daar is ‘n leemte, ‘n tekortkoming, ‘n swakheid.

So, sommige ouers betaal vir ekstra lesse. En Tina Cowley tipe leessentrums het baie kliënte. En tutors is gesog deesdae! Wow! Almal soek help vir hulle kind se probleemarea. En ek weet die ekstra help en tyd en oefening toon verbetering in daardie vak! Met soveel ure se oefening en harde werk, is daar resultate.

Maar ek kry die kinders jammer! Dis ‘n al ewige sokkies-optrek taak.

En dis hoekom lief ek dit om vir ouers te vertel dat die fokus van Tuisskool draai na die kind se Strengths toe! (Dis net beter in Engels.) Dit waarmee hulle goed is!

Ek het laas week ‘n mamma en haar seun by my huis gehad. Die ma vertel my dat haar graad drie seun lief wiskunde maar sukkel nog met lees. Ek sê toe tot haar verbasing: “Maar laat hy aangaan met wiskunde en los bietjie die lees! Laat hy net wiskunde doen op ‘n dag en vorder tot die volgende jaar se graad as hy wil! Hoekom nie? Skuif die lees eenkant toe vir ‘n rukkie.”

Jy moes haar seun wat langs haar sit se gesig gesien het! “Ek sal daarvan hou!” het hy opgewonde uitgeroep.

Kan julle vir ‘n oomblik saam met my verbeel wat sal gebeur met so kind as hy net aangaan met wiskunde? Is daar lees in wiskunde? Ja, hy gaan woordsomme moet lees. Hy gaan vrae en probleme moet lees so dis nie asof hy glad nie gaan lees oefen nie. Maar hy gaan opgewonde voel oor sy skoolwerk. Hy gaan uitsien na elke dag. Hy gaan vorder en soos hy moeiliker en moeiliker dinge regkry, gaan sy selfbeeld soos ‘n vuurpyl opstuig.

Een van twee dinge kan gebeur:

1. Hy kan wiskunde boffin word en grade vooruit werk. Hy het later nodig om goed te lees om verder te vorder met sy wiskunde passie en hy lees dit nou uit keuse uit. Hy kies ‘n wiskundige loopbaan en floreer.

2. OF hy kan ‘n punt van moeilike wiskunde bereik en vashaak. Hy lief steeds wiskunde maar besef dit raak nou moeiliker. Hy is bereid om ander werk te doen sodat sy brein van wiskunde bietjie rus. Hy het die baie wiskunde geniet maar stel nou ook belang in wetenskap en eksperimente.

Albei scenarios is steeds ‘n WEN!

My boodskap is: laat die kunstige kind verf. Laat die skrywertjie skryf! Laat die sportman sport doen. Sodat hulle uitblinkers word op hulle gebied. Betaal vir hulle talente om te ontwikkel eerder as om hulle swakpunte te verbeter. Ek dink dit gaan jou taak as ouer soveel makliker maak want jy gaan minder hoef te stamp en stoot om jou kind te kry om iets te doen. Jy gaan die wind in hulle seile wees!

Nou, julle hou hiervan en stem saam dat dit sin maak om jou kinders te laat fokus aan dit wat hulle in goed is. Ek wil dit deurtrek na jou ouerskap styl en manier van tuisskool.

Danksy Hettie Brittz, weet baie van julle watse boomsoort jou persoonlikheid is. Selfs al ken jy nie Hettie of haar boeke nie, ken jy jou eie swak en sterkpunte. Jy weet of jy netjies en geörganiseerd is of spontaan en prettig is. Jy weet of jy roetiene en riglyne verkies of verskeindenheid en kreatiwiteit.

So met dit in gedagte, hoe tuisskool jy jou kinders? Ek dink ons as ma’s probeer ook om all-rounders te wees. Nes ons verwag dat kinders in 6 of meer vakke moet presteer, verwag ons dat ons goeie beplanners en kreatiewe mamma’s moet wees! Ons wil die partytjies beplan soos daardie mamma asook die boeke deurwerk en lysies aftiek soos daai mamma doen. Dit tref my die ander dag dat ons ook heeltyd probeer verbeter in ons swakareas en dikwels faal in ons doelwitte.

Hoe kan ons rustige, gelukkige tuisskool mamma’s wees? Deur om te kyk na ons Sterkpunte en te fokus daarop. Ek het die volgende raad vir ‘n Amerikaanse tuisskool mamma gegee:

Hi Christa

What a beautiful family you have! So nice to hear from a Pine Tree homeschool mom.

I see you have lots of boys there 🙂 I only have daughters so I can only share my experience as a homeschool mom of conscientious girls.

I’m very bad at planning and scheduling and routine. I love to give choices and options and have lots of variety. So I really believe in playing to your strengths. Rather than keep trying to schedule and bring in structure, make peace that it’s not your strong suit.

I found trying to be who I’m not just takes so much energy and makes me feel like a failure. I envy the mom who has a year planner and crosses off work day by day. But that’s not me.

What I am good at is creativity and patience and adjusting to each child’s need at that moment in time. Once I realised what I’m good at, I felt proud of myself and those became my daily goals.

At the end of the day, did I see each one’s heart? Did I connect with them? Did I hold them close in a hug? So not academic at all! But still a value and joy for me personally. And an attainable goal!

And I found my children filled in my gaps. My children have some Boxwood character traits and THEY decided to plan their day and start a morning routine. (Something they saw on YouTube 😉 They decided to make their own beds and tidy their room! (I’m terrible with chore charts and house rules too! 🙈)

My eldest daughter decided to make herself a timetable and set daily goals! Her sisters then followed her example! I was astonished! Where I lacked, they (and the Lord) filled in! It’s almost like the space we create, allows them to grow! In our weakness, He is strong!

Kind regards

Janet 🌷

My kinders se tennis coach het die artikel geïnspireer. Hy vertel my vanoggend dat hy iets opgelet het van die tuisskool kinders wat hy tennislesse voor gee. Hy sê gewoonlik leer kinders deur een van drie metodes: visueel, ouditief of kinesteties. Maar hy kom agter dat tuisskolers ’n ekstra metode het, naamlik ‘Educational’. Hy sê dat hy dit nou getoets het met my girls en dit werk!

Tennis het baie teorie wat afrigters gewoonlik nie vir hulle leerlinge leer nie omdat dit, glo, moontlik bo hulle vuurmaakplek is. ‘Coach’, soos my kinders hom noem, verduidelik dat skoolkinders (waarvan sy eie drie kinders ingesluit is), baie het om aan te dink. Dinge soos huiswerk en take, vriende en groepsdruk. Daar is bekommernisse wat ‘head space’ opneem. Dus, is daar nie spasie vir te veel nuwe inligting nie. Ek voeg die ‘te’ by maar mens kan lank debatteer oor hoeveel inligting kinders wel kan inneem.

Coach sê dat hy sien dat die rustige, liefdevolle atmosfeer waarin tuisskolers grootword, plek los vir hulle om op tennislesse en effe ingewikkelde teorie te kan hoor en verstaan. Daar is nie klomp buite goed wat soos rookmis om baie kinders se koppe hang nie.

En ek wil oor die atmosfeer van leer praat. Ek wil nie kinders wat skool toe gaan, of hulle ouers, kap nie. My doel is om tuisskool gesinne te bemoedig. Om die voordele van julle leefstyl keuse ten volle te benut!

Die gebrek aan sosialisering is gewoonlik die eerste kritiek wat tuisskolers kry. Maar ek wil wys hoe dit eintlik ’n voordeel is. Jy as ouer kan nou jou kind se maatjies kies. Jy kan inspraak lewer tot enige gedrag by ‘n kuier waarmee jy nie saamstem nie. Jy kan maats uitsoek wat dieselfde waardes as julle gesin deel. Jy kan jou kinders toelaat om met ouer of jonger kinders te speel.

Ter voorbeeld, ons het ‘n pragtige baba seuntjie wat nou elke dag by ons kuier. Ons Brenda-helper se nuwe seun, Denzel. Sy baba geluide helder ons huis op en my kinders het die baba boetie waarvoor ons almal gesmag het. Die liefde en vreugde wat hier uitgedeel word verryk ons gesin! Ek sê vir Brenda, dat haar baba nie ‘n te kort het aan stimulasie en vrolike gesiggies om na te kyk nie. My dogters pomp sy beentjies en laat hom ‘staan’ en skop. En as hy vir jou glimlag, voel jy of jy die boerpot gewen het! Die reëling dat hy saam Brenda werk toe kom is goed vir hom en dis goed vir my kinders.

Ilani met Denzel

Dit vorm deel van die rustige, gelukkige atmosfeer wat my kinders in grootword.

Die ander ding is speel. Speel sonder onderbrekings. Speel sonder politiek (gewild teenoor ongewild) of leiers of bendes of oordeling nie. My 12-jarige vra die ander dag of sy te oud is om met poppe te speel. Ek antwoord: “vir seker nie”! En nou stap sy en 9-jarige sussie elke dag af in die straat met hulle baba’s in waentjies. Dis die oulikste ding! Ek moes dit afneem:

Daaglikse stap.

So, daar is soveel vryheid dat daardie boompie lekker kan uitsprei en woes groei! Die bemoediging en ondersteuning van mamma-juffrou is soos water wat uitgegiet word oor daardie tuisskool kindjie. Daar is minder onsekerheid en selftwyfel.

Dis nie te sê dat tuisskolers nie stres het nie. Tuisskool huwelike het steeds uitdagings. Daars steeds finansiële stressors of siekte in die familie of die afsterwe van ‘n geliefde troeteldier om te verwerk. Daar sal vir seker ook vrese en moeilike emosies wees om tuisskolers se emosionele stamina te toets.

Maar, tuisskool ouers, benut die vreugde van julle eie huis en leer omgewing! Jou kinders is in hulle veilige bubble en dit doen hulle goed! Hulle kan fokus aan leerwerk en moeilike konsepte en nuwe woorde en konsentreer op net die werk wat voor hulle is. Minder eksterne sake besoedel hulle kapasiteit. En dis nóg ‘n voorreg van tuisskool!

Hierdie artikel gaan nie oor tuisskool nie. Dit gaan oor my geestelike journey. Ek wil daaroor skryf.

Ek was van vroeg af wat ander sal noem: ‘n goeie Christen. Ek het eers onlangs besef dat ek ‘n toring soos die een van Babel gebou het. Elke baksteen was ‘n goeie daad of indrukwekkende Christen prestasie. Ek sien dit nou raak.

My ouers sê ek het my lewe vir die Here gegee op die ouderdom van 3 jaar oud! Ek het Jesus genooi om in my hart te kom woon. En toe op 4 was ek gedoop. Ek het fotos daarvan. Die pastoor oom het gevra watse liedjie kan hy op sy kitaar vir my speel en sing soos ek in die swembad gedoop word. Ek onthou ek het die een van Kids Praise gekies: ‘I wanna be Lord, just like you! All the good things that I want to do… listen to my heart Lord, yes it’s true..’ Sjoe, vir meeste van my lewe, was daardie my tema liedjie. Dis ‘n baie mooi liedjie!

Daars niks fout met kinders wat vroeg en opreg hulle hartjies aan Jesus toewy nie. Ook niks fout met jong kinders wat graag gedoop wil word nie. Maar ongelukkig, word so iets soms, soos in my geval, maklik ‘n punt op my telbord, ‘n veer in my hoed, ‘n baksteen in my toring.

Ek bou sodat ek nader aan die Here kan wees. Ek bou om die Christen leer te klim. Hoe hoër, hoe heiliger. Hoe hoër, hoe beter! Of so, het ek geglo.

Ek het gekies om na ‘n Christen skool toe te gaan. Ek het daar die Bybel voor en agter geleer ken. Ek kon die vinnigste in my klas na die regte plek in die Bybel toe blaai. Ek kan nie vir julle sê hoe trots het dit my laat voel nie! Net Graad 2, en ek kon Habakkuk 2:16 of Maleagi 4:21 vind. En ons moes verse memoriseer. En opsê. En vir mense bid. En woorde kry vir juffrouens. Ons het selfs pryse aan die einde van die jaar gekry vir Vrug van die Gees! Ja! Sertifikate voor die hele skool en kerk vir goeie Christen karakter! Sjoe! En ek het daardie toekennings nagejaag.

Dit laat my dink aan Max Lucado se kinderboek ‘Ek is spesiaal’. Ek het baie sterre versamel oor wat mense van my sê. Onnies en die skooolhoof en pastoor het almal vir my sterretjies gegee. “Sy is ‘n goeie Christen!” En dan sal my skoolklasmaats al my sterre sien en dink: “Sy het so baie sterre, sy moet goed wees. Wens ek kon so baie sterre kry as sy.” Ek weet hiervan want jare daarna, het een mamma met my gedeel hoe haar seun op skool gehuil het dat hy nie God se stem kon hoor nie. Hy het gesê dat hy moedeloos voel want net Janet kan God se stem hoor. Toe die ma dit met my deel, voel ek die hartseer in haar storie. Ons het geglimlag en gegiggel daaroor. Maar onderliggend was daar ‘n gevoel van tragedie.

Here, kom breek my toring.

C.S Lewis beskryf die berg wat Christene klim. En die wat hoër is, kyk neer op die wat nog onder is. Dis mos hoe ek geredeneer het: sekerlik ek wat die hele Bybel in een jaar gelees het… is wat? Nader aan die Here? Beter toegerus om Hom te dien? Vir seker ‘n beter Christen as die dwelm verslaafde wat sopas bely het. Maar ek besef nou, ek is gered omdat Jesus vir my gesterf het, presies soos vir daai druggie. Ek kan nie beter wees as ‘n ander Christen nie, want ons het dieselfde Redder.

En dan het ek goed begin versamel. Want Christene moet ook gawes van die gees hê. Profesie is die beste. Ek was by konferensies en seminare om die gawe te leer en te oefen. Maar, ons kan nie dit self verwerk nie, dit word aan ons geskenk. Maar ons kan daarvoor vra. En dan oefen om dit te gebruik deur om woorde te kry vir mense. En as die woorde akkuraat is, dan weet jy, jy het dit! Ek was op ‘n missie om woorde te kry vir mense. Dalk ‘n teksvers. Dalk ‘n visie. “Here, gee my ‘n woord sodat ek mense kan seën. Wat wil U vir die persoon sê?” Ek weet die Here het my soms in my onkunde, en opregte begeerte, gebruik. Hy werk deur ons, onperfek soos ons is. Ek is so dankbaar daarvoor! Want ons almal wil Hom so graag behaag! Maar, wat ek nie geweet het nie is: ek was klaar goed genoeg. Ek het reeds sy goedheid en guns verkry! Deur Jesus.

Ek is nou opnuut deurmekaar oor die spreek in tale ding. Dis ‘n geskenk maar jy kan leer om dit te gebruik. Lyk my almal kan die geskenk kry. Die taal van die Heilige Gees. Dis vir almal bedoel. En so, ons staan in ‘n ry en probeer praat soos die geestelike persoon op die mikrofoon. Ek wonder of die Here vir my gelag het. Nee, Hy sou seker nie.

Jy mag maar vir my lag Here.

Moes nogals komies gewees het hoe ek probeer in tale praat. Hoe ek dink ek doen. Al die jare. Tot my peuter ook soos ek in tale praat. Maar dis haar nonsens woordjies. Dis baba taal. En myne was ook. Nie deur die Heilige Gees gegenereer of inspireer nie. Ek dog dis hoe dit werk. Klink vir my of almal net so paar woorde oor en oor sê. Niemand hoef te weet wat dit beteken nie. Tot ek iemand ontmoet het wat sê dit klink elke keer anders. En hy dink nie daaraan nie. Dit kom spontaan uit sy mond. En dan gee die Here vir hom ook die uitleg. Wow! O! Bloosgesiggie maal ‘n duisend keer!

Maar dis okay. Dis ‘n baksteen uit my toring wat moes val.

En op ‘n dag, kom daar ‘n hele paar verdiepings afgetuimel. Toe ek vir ‘n swanger mamma bid en ‘n mooi woord gee oor haar baba seuntjie. Ek het so heilig gevoel! So bly dat ek vir haar so woord van die Here kon gee. Jy sien, ek is ‘in tune’ met die Here. Dis wat my gesig gestraal het. Toe is daardie baba stilgebore. En ek struikel oor klomp bakstene wat in my pad nou lê. Huh?! Die Here maak mos nie foute nie. Hy het dan gesê die kind het ‘n blink toekoms! Dalk blink in die hemel! Ek moes verkeerd gehoor het. Nie net verkeerd nie. Sommer eintlik nie sy stem gehoor het nie. Net als self opgemaak, om goed te lyk. Eish! Toe nie so ‘in-tune’ soos ek gedink het ek is nie. Dat ek daardie ma kon hoop en woord gee vir haar baba, net om hom te verloor, breek my! En ek sien nou, daardie breek was/is nodig.

Want toe die stof en rommel van my toring gaan lê het, sien ek die heerlikheid van die Here se genade. Ek kon nie nader aan Hom wees as wat ek reeds was nie! Hy het afgekom tot my toe! Ek bou verniet ‘n toring na Hom!

Al die goed wat ek gedoen het, het my laat dink dat ek geregtig is. Geregtig om God se vriend te wees! Geregtig om een van sy gunstelinge te wees. Geregtig na sy beskerming. Dit wat ek doen MOES Hom beïndruk het! Behaag het. Dat Hy oor my lewe en my dade sou glimlag. Dat Hy wel behae in my sou vind.

Maar dis als skynheiligheid. Selfregverdig. Eiegeregtigheid.

God het ons nie meer lief as ons reg lewe nie. Ek kan nie sy liefde koop met my goeie werke nie.

My nuwe tema liedjie se eerste vers gaan so: “I’ll never be more loved than I am right now
Wasn’t holding You up
So there’s nothing I can do to let You down
It doesn’t take a trophy to make You proud
I’ll never be more loved than I am right now” ‘Jireh’ geskryf deur Chandler Moore.

Hehe, elke keer as ek probeer ‘n foto van myself oplaai tot die artikel, glitch die app. Dit gooi my foto weer uit. Maar die foto van die toring van Babel werk eerste keer. So, die Here praat darem nog met my.

#lessofme #allofyou

Lizelle Rademeyer is die breins agter die nuwe Wiskunde aktiwiteit boekie. En in my kinder se woorde: “Sy is ‘n baie slim tannie om hierdie te gemaak het!” 

Lizelle het 3 kinders van haar eie wie sy tuisonderrig. Hulle is baie lief vir wiskunde en dus moes sy heeltyd met vars werkkaarte vorendag kom. Sy het toe gesien watse aktiwiteite is die kinders se gunstelinge en haar eie dan ontwerp. 

Sy het drie boekies waarvan Sommer Pret 1 die een is wat vir my kinders se vermoë gewerk het. Hulle is 8 en 6. My kinders moet aangemoedig word om wiskunde te doen en daarom was Sommer Pret vir my ‘n fantastiese flinkdink fortuin! My kinders was actually gretig om daarin te werk! 

Die aktiwiteite is uitdagend genoeg om hulle breine te laat werk maar prettig genoeg om hulle belangstelling te behou. Ek dink dis unieke aktiwiteite en verhoog hulle IK. Ek het soortgelyke probleme al self in ‘n aanlyn IK toets voltooi en voel daarom in my noppies dat my kinders dit ook kan verstaan. 

Janéy sê hierdie was moeiliker as ‘n woordsoek. Sy het die uitdaging geniet!

Ilani (6) met haar gunsteling bladsy.

My kunstige Janéy het die patroon uitdagings geniet!

Almal tel saam!

Daars 30 aktiwiteite en die antwoorde agter in die boek. Dit maak die harde kopieë van die boek verseker vir my die R60 werd!

Gaan lees meer oor die inhoud van Sommer Pret 2 en 3 by https://lomi.co.za/sommer-pret/ Ek sal dit sterk aanbeveel vir kinders wat moeg is om maaltafels te oefen en iets anders soek om wiskunde weer te geniet! 

Bestel joune vandag deur om Lizelle te e-pos by info@lomi.co.za

Volg verseker die wiskunde wenner se Facebook blad ‘Sommer Pret’ om op hoogte te bly van Spesiale Aanbodde. 

En as jy nie kan wag vir jou Sommer Pret in die pos nie, laai solank die soortgelyke Robot of Lente Pretpak by https://teachingresources.co.za/vendors/lomi/vir slegs R12 en R15 af.