About Janet@grootisutrou.co.za

This author has not yet filled in any details.
So far Janet@grootisutrou.co.za has created 100 blog entries.

E is vir eksperimente

Ek het eers nie geweet wat se e-onderwerp om met my kids te behandel nie. En as ek nie weet nie, gaan ons net aan met wiskunde en taal en skryfwerk. 

My kinders het self die Experilab boksies in die spens gaan uit snuffel. Dis al meer as ‘n jaar daar vandat ek dit by ‘n Experilab vertoning gekoop het. En nou vind hulle dit en ons maak die Monster Slime eksperiment. 

Dis baie eenvoudig: meng die groen polymer mengsel met die boraks wat voorsien is en roer! Daar word dit lekker slymerige gloop! Die kinders het dit natuurlik later ‘snot’ genoem. Tenike vir al, wou elke dag met die ‘snollies’ speel. Dit hou mooi lank as jy dit in plastiek sakkie bêre. 

  

Die volgende dag, maak ons die ander pakkie Experilab oop wat hulle Martian Mud noem. Dis eintlik toe net gekleurde mealie stysel (Maizena), so moenie jou geld daarop mors nie! Maar dis ook vet pret om die snaakse eienskappe daarvan te sien wanneer jy dit met water meng. Hard as jy daarop druk maar drup soos stroop as jy dit optel. My kinders het gulsig gemors en dit baie geniet! Ons het ‘n stres balletjie daarmee gemaak deur om die maizena/water mengsel in ‘n ballon in te skep. Ek kon nie baie in pas nie maar genoeg om die vreemde gevoel te gee as mens daarop druk. 

 

Om dit ‘n meer leervaardige oefeningtjie te maak, moes die kinders ‘n tabel maak in hulle netjiese boeke waar hulle die twee eksperimente vergelyk. 

  

Ek besluit toe dat ons nog eksperimente kort en soek op Pinterest. Daar is maklike eier in asyn eksperiment. Ons gooi toe asyn bo oor ‘n rou eier en los dit oornag. Janéy het blou voedselkleursel in haar mengsel gesit. Binne 24uur het die eierdop heeltemal afgekom en die eier binne soos gel geword! Blykbaar na ‘n week se week in die asyn, gaan die eier soos hard soos rubber wees sodat mens dit kan bons! Ons wag nou daarvoor!  

  

En toe het ons Donderdag nóg eksperimente gedoen saam Tannie Anne-marie van Experilab! Julle, baie maklik om die bestandele bymekaar te maak, wil dit graag by die huis probeer! Die gaan oor sure, alkali en neutraal vloeistof. Die suur was die asyn. Die alkali was koeksoda en neutraal is natuurlik water. Maar die toertjie is die gekookte rooikool water! So pers mengsel. Dit is die indikator! Die kinders het druppels van die koolsap in die ander vloeistowwe gedrup en dit word die mooiste kleure! Die basis word groen! Die suur is ‘n pragtige pienk en die water is net ligte pers. Anne-marie sê mens kan ook beetsap gebruik as indikator. So dis maklik om die eksperiment by die huis na te maak! 

Ek wil ook net vertel van die ongelooflik oulike webwerf wat kinders leer Engels lees! Stap vir stap, letter vir letter met baie kleurvolle speletjies. www.readingeggs.com Die eerste twee weke is gratis. Janéy het Saterdag ure daaraan spandeer, heeltemal onafhangklik aangegaan. Ek kry toe e-pos wat sê sy kan “I am Sam. I am a fat cat.” Lees! Sy nou juis weer daarmee besig. 😄

  

Ilani se eier

  

Janéy se eier wat in blou voedselkleursel en asyn geweek was

 

By |2016-02-29T11:12:05+00:00February 29, 2016|Uncategorized|0 Comments

Daniël Lapbook D-week

Laat ek van die begin af sê dat hierdie werk oor twee weke gebeur het, nie net een nie. Ons het ‘n atletiek dag gehad laas week, asook besoek aan die dokter vir ‘n sonaar van my tweeling. Ons was hierdie week Nature Kids toe waar ons geleer het oor giftige goeters. So, toe die dae te min was om die Daniël skootboek klaar te maak in een week, besluit ek om aan te hou die week met D. En soms gebeur dit dat dinge nie uitwerk soos beplan nie, en dan moet jy maar buigbaar wees en aanpas. 

Om ‘n skootboek te maak, kan mens of ‘n lêr koop of 3 blaaie saam plak. Ek het die keer 3 swart blaaie swart karton geplak met selotape. Ons begin altyd met die voorblad. Janéy skryf die opskrif, Ilani kleur die prentjie in. Ek het ‘n vers gesoek wat Daniël opsom. Janéy het dit op die rekenaar uitgetik en toe druk ons dit uit. 

  

Ek lees altyd van die oulike Bybel: Kinders@Bybel.co.za omdat die taal maklik verstaanbaar is, tog is die hele storie daar. Ek lees dan die eerste hoofstuk vir die kinders en ons kry agtergrond oor Daniël. Dat hy as gevangenis uit sy tuisdorp geneem is na ‘n heiden land toe. Ons druk die kaart uit sodat die kinders kan sien van waar hy was en waar hy nou moes bly. Die ou Babilon was blykbaar omtrent 80km suid van die hedendagse Baghdad.

 

Dit het Daniël meer indrukwekkend gemaak om te besef dat sy familie was heelwaarskynlik doodgemaak en hy as jong man weggesleep is na ‘n vreemde land en kultuur. Maar sy houding bly positief en standvastig. Hy is dapper en weier eerstens om die kos te eet wat die koning beveel almal moet eet. Dis teen sy beginsels om kos te eet wat aan afgode geoffer was. Dis buitendien ongesond en hy sal dit bewys binne 10 dae. Gelukkig het hy vriende wie saam met hom slegs groente eet en water drink. En hulle staan dadelik uit as aantreklik, slim en gesond. 

Ons behandel toe die 5 voedselgroepe. Daar was baie geknip en geplak wat my tweetjies baie geniet het. (Dit was eers ‘n netjiese sirkel maar wou toe nie in die A3 lamineer bladjie pas nie. Dus, lyk dit nou so.)    

   

Koning Nebukadnesar speel ‘n groot rol in Daniël se storie en daarom verskyn ‘n prentjie van hom in ons skootboek. 

    

So ons doen eers wiskunde en taal voor ons pouse en dan werk ons aan die Daniël projek.  

Die kinders oefen hulle skryf en lees en ek soek juis die d-werk in die werkboeke wat ons gebruik. Ek het Daniël werkkaarte gevind by http://www.christianpreschoolprintables.com/Pages/BibleABC/Daniel.html

Ilani oefen haar D

Nog werk vir Ilani (5)

 

Toe is dit Koning Nebukadnesar se droom oor die standbeeld. Ons vou dit sodat dit kan opvou en ‘staan’ soos ‘n standbeeld. Wat pret is van die storie is dat die koning vir niemand sy droom wou vertel nie! Hy wou nie hê dat iand die uitleg net opmaak nie. So Daniël vra toe die Here en God gee vir hom presies dieselfde droom daardie nag! En ook die uitleg daarvan.  

 

Die woorde wat Daniël vir die koning sê toe hy kom met die uitleg van die droom, het my kinders beindruk. “Die geheim is vir my verklaar, nie omdat ek slimmer is as enigiemand anders nie, maar omdat God wil hê dat die koning moet verstaan waaroor hy gedink het.”(‭DANIËL‬ ‭2‬:‭30‬ NLV) Hy het nie krediet geneem  daarvoor nie maar altyd weer na God gewys. Ons het gesels dat dit is wat ons moet doen: wat ons sê en doen sal mense dalk verbaas maar ons wys heeltyd weer terug na God wat die geëer is van wysheid en talente. Ek lug my arms in die vorm van ‘n L en preek vir my kinders. “Nooi mense na jou toe met die dwars arm, laat hulle deur die liefde en vriendelikheid van God na jou toe getrek word en wys hulle dan na God met jou vertikaal arm. Dis Hy wat jou maak soos jy is.”

Ook Nebukadnesar se droom oor ‘n boom. Die boom word afgekap en so as jy die boom vou, is die stomp en die bees wat Nebukadnesar geword het aan die agterkant. 

   

  

Die idee van ‘n skootboek is om baie informasie op oulike maniere te vertoon. So daar moet soveel mini-boeke wees as moontlik. Ek het ‘n Engelse Daniël lapbook gevind hier, maar het toe niks daarvan gebruik nie.  

Na Koning Nebukadnesar, was daar Koning Belsasar. God het mos op sy muur kom teken. 

Die betekenis vir die woorde is onder die woord geskryf.

Die kinders het met bordkryt op die buite mure geteken. dit spoel maklik af

 En toe is dit uiteindelik Daniël in die leeukuil se beurt! Ek wou hê dat die leeus se monde moes kan oopmaak want alhoewel hulle nie aan Daniël geraak het nie, moes die kinders besef dat hulle wel gevaarlike leeus was!

   

 

Die res van die boek van Daniël gaan net oor sy baie drome. Ek het oorweeg om ‘n mini-boek te maak met prente van sy drome maar hulle is nie juis kinder-vriendelik nie. Hy droom mos van vreemde diere en horings met oë op. So ons skootboek eindig maar by Daniël 6 en die leeus wat mense opeet. 😜

   

 

By |2016-02-19T14:10:17+00:00February 19, 2016|Uncategorized|0 Comments

Wanneer moet mens met Engels se lees en skryf begin?

Dis ‘n lekker kontroversiele vraag. Daars twee groot opinies daaroor. Eerstens, jong kinders is ‘n spons en kan meer leer en inneem terwyl hulle jonger is. Leer dus vir hulle sommer meer as een taal terwyl hulle jonk is en hulle sal glad nie sukkel nie (http://www.parents.com/toddlers-preschoolers/development/language/teaching-second-language/

En tweedens, glo mense dat kinders kan net so ver vorder in ‘n tweede taal as wat hulle bereik het in hulle eerste taal. So maak eers hulle moeder taal sterk voordat jy begin met nog ‘n taal. 

Ek dink albei is waar en kan werk! Mens kan meer as een taal van jonks af vir jou kind leer PRAAT. En dis belangrik om sterk te word en bly in jou eerste taal. Dis die lees en skryf daarvan wat bietjie later moet plaasvind. 

 Baie tuisonderrig teorie is basseer op die Charlotte Mason benadering. Mev Mason het kinders klomp tale laat leer. Maar sistematies. Sy het geglo dat ‘n kind eers die taal moet leer deur hoor en praat daarvan, verkieslik met iemand wie se moedertaal dit is. En dan later die lees en skryf daarvan aanleer. Dus, sou die Graad1-3 kind liedjies en rympies leer in ‘n tweede taal (in hulle geval, Frans) en dan teen Graad 4 die taal begin lees en skryf (https://simplycharlottemason.com/blog/teaching-foreign-language-subject-by-subject-part-9/) Sy sou die derde taal dan inbring deur geslesies, liedjies en stories in daardie taal (bv Duits) en dan teen Graad 7 die Duits saam met die Frans se lees en skrywe leer. 

As ons dit van toepassing maak op ons kultuur, sal die mammas wie se moedertaal Afrikaans is, vir hulle voorskoolse kinders klomp Afrikaanse stories lees en rympies leer. Hulle sal gesels oor prentjies en die lewe om hulle. Teen die tyd dat hulle kind met Graad R of 1 begin, word Engels voorgestel aan die kind. Nog nie lees nie, maar ook gesprekke, liedere en storie boeke voorgelees. So leer die kind die gramatika, die aksent, die uitspraak van woorde voor hulle dit hoef te moet spel.

In ons tweetalige land, word ons kinders van jongs af bloodgestel aan albei Engels en Afrikaans. My kinders leer so baie net van TV kyk. Maar ons het ook familielede en vriende wat Engels is met wie my kinders Engels praat.  Daarom, sal jy as ma weet wanneer jou kind gereed is om in die tweede taal te begin lees en skryf. 

Die week het ons ‘C is for Clever Cat’ gedoen en die Engels het net vanself gevloei!   

My oudste het my verbaas en sommer drie Engelse begin-leesboekies gelees in een dag! Sonder dat ek die Engelse klanke eers vir haar leer, tel sy die boek op en kom baie goed reg! (Ek het die klein leesboekies as deel van LLATL kurrikulum gekry wat ek by www.oikosfamily.org aangekoop het.) Sy het dit terdeë geniet al het sy ‘with’ soos ‘wiff’ uitgespraak.  

Ek het laat my kinders drie-letter woorde wat met ‘cat’ rym uitpak.  

  

En na sy baie woorde gespel het, kon my oudste sinne begin vorm en neerskryf. 

Al wou sussie (5) ook baie graag Engels lees, kon ek sien dat sy nie gereed is nie omdat sy nie al haar Afrikaanse klankies ken nie. Maar sy kan hoor wat rym met ‘cat’ so ons het lekker gesels oor rym woordjies en dit was vir haar baie lekker.  

c letter werkkaarte

 Werkkaarte vanaf http://kidsactivitiesblog.com/wp-content/uploads/2014/07/letter-c-worksheets.pdf 

Nou hoe maak ek van hier af? Ek sal aanhou om Engels (en Afrikaanse) stories vir hulle te lees . Ek sal Engelse sigwoorde vir my oudste leer. Net een nuwe een per week. Ons sal Engelse liedjies sing in die kar. Ek sal die lees stadig vat want Afrikaans lees is steeds my prioriteit. Maar ek sal ook laat Janéy se belangstelling in Engels my lei sodat ons nie te vinnig of stadig daarmee beweeg nie.

 Dis my siening. En ek glo elke tuisskool gesin moet maak soos wat die beste vir hulle gaan werk. Vir die ma-juffrou en vir die kinders.

Wat ek nog meer oor wroeg en meer oor sal moet uitvind, is die ander vakke se leer taal! Vir nou is als Afrikaans, maar wanneer gaan ons aardryskunde, wetenskap en wiskunde MOET oorskuif Engels toe?  Dit sal ek nog moet wag en sien. 

By |2016-02-07T22:27:28+00:00February 7, 2016|Uncategorized|2 Comments

Ben By B-week

Ek is bly oor ons produktiewe B-week! 

Ons doen eers wiskunde elke oggend en dan letterkunde. My kinders oefen hulle skrif. 

Janéy (8) se Lopende Skrif

Ilani (5) se B-werk in haar Klanke boek

 

Ons het Kuns Waardeering gedoen deur om na die pragtige skilderye van Charles Burton Barber te kyk en dit te waardeer. Janéy het toe ‘n PowerPoint presentation gemaak met haar gunseteling skilderye en ‘n sonnetjie getik oor elkeen. Sy tik nog met een vinger maar ek los haar vir eers. Sy speel rond met ontwerp en leer die program en die sleutelbord ken. Sy geniet dit vreeslik baie en het die volgende dag self aangegaan. Die tik werk goed vir spelling ook omdat sy soveel keer ‘dogtertjie’ kyk op die papier waar ek dit geskeyf het en dan self stadig tik dat sy nou die woord uit haar kop ken. 

Charles Burton Barber se skilder tema was kinders en hulle troeteldiere.   

Janéy werk aan haar Powerpoint

Anna Emm het ‘n luister CD, Ben By wat saam met ‘n Pretpak gekom het. Ek het dit uitgehaal en vir Ilani gegee om aan te werk. (Soek op FB vir Anna Emm Kinderstories.)

En Katuti Creative blad op Facebook het die inkleurprent van die letter b gratis vrygestel die week wat my girls lekker besig gehou het. 

   

 

Ek dink nou die b-woordjies in die prent hierbo kan die spelwoorde wees vir die week. Moes dalk laat my dogter hulle leer en speltoetsie skryf!

Ons het toe baie oor bye geleer. You Tube videos is wonderlik en ons kon lekker al 4 op die bank sit en videos kyk een na die ander. 

Ek sal die reeks FlowHive aanbeveel. Goeie kamera werk laat jou die by van baie naby bestudeer. http://youtu.be/Tk0rj0-npTI

‘n Goeie prent vanaf Google het ook die lewensiklus van die by mooi verduidelik. Ek het wasgoed mandjies in die sitkamer uitgepak om die byekorf te verteenwoordig en die kinders het die lewensiklus uitgebeeld. Maar dit was vir hulle soos speel. Die Koningin by dra ‘n kroon en lê ‘n eier (balletjie sokkies) in die ‘mandjie’. Dan klim Ilani in die mandjie en word die larwe. Janéy trek aan soos verpleegster en kom voer die klein larwe. Ek kon hulle los om te speel want Janéy het die inligting op haar papier gebruik as verwysing en hulle gesels oor al die werke en fases van die by se lewe. 

  

Ek het laat die kinders die by lewensiklus teken in hulle boeke. 

  

Janéy se leesboek die week.

Ek is trots op my 2-jarige. Sy was so soet terwyl ons gewerk het. Sy het self klei uitgehaal en gespeel. Sy het in haar Barney inkleur boek ingekleur. Ek het vir haar ook ‘n skoolboek soos haar ouer sussies. Ek teken toe ‘n boom en knip blaartjies vir haar wat sy self op die boom geplak het. Sy het heeltyd gevra vir nog ‘n blaar. 

  

Ons het bytjie kolwyntjies gebak!

   

   

En Vrydag het ons weer ‘Show en Tell’ waar ons tuisskool maats bymekaar kom en oefen om voor mense te praat. My kinders het so mooi verduidelik van die by. Vir die doel het ek ‘n by van felt gemaak en die kinders het bye op ballonne geteken. 

   

Die kinders by Show and Tell

Nou rus my brein so bietjie en dan begin ek dink aan die volgende week se letter en werk. 🙂 Ek leef ‘n bevoorregte bestaan! 

By |2016-01-30T07:57:21+00:00January 30, 2016|Uncategorized|5 Comments

Diftonge wat ons tot dusver geleer het

Kry vir jou ‘n lekker plakkaat van al die klinkerklanke (diftonge) by Plastic Land of ‘n goeie boekwinkel. Of laat jou kinders sommer self een maak wat jy laat lamineer! 

 

Ons het tot by ‘ou’ gekom op die stadium. Ek sal die sleutels tot ons werk vir jou hieronder lys. 

Werkboekies om hierdie in te oefen is Klanke Werkboek 3 beskikbaar by Trumpeter Publishers of boekwinkels. 

   

 

En Klanke Sonder Trane Werkboek 3. Beskikbaar by http://www.speciality.co.za/educational-books-toys/educational-books.html of as jy gelukkig is, boekwinkels. 

 

Lysie van Kieswetter Klaskamer se Diftong werk: 

A vir Aap https://kieswetterklaskamer.wordpress.com/2014/09/13/aa-vir-aap/

Bekoor my kroos oor en oor oo week https://kieswetterklaskamer.wordpress.com/2014/09/27/bekoor-my-kroos-oor-en-oor-oo-week/

Eet Beet ee Week https://kieswetterklaskamer.wordpress.com/2014/09/20/eet-beet-ee-week/

Vuur Sonder Vlam uu Week https://kieswetterklaskamer.wordpress.com/2014/10/04/vuur-sonder-vlam-uu-week/

Bou ‘n ou https://kieswetterklaskamer.wordpress.com/2014/10/18/bou-n-ou/

Pampoen Koets oe Week https://kieswetterklaskamer.wordpress.com/2014/10/18/pampoen-koets-oe-week/

Vlieg Papier ie Week https://kieswetterklaskamer.wordpress.com/2014/12/01/vlieg-papier-ie-week/

Ek sien uit om die res van die diftonge te takel! 

By |2016-01-25T11:13:54+00:00January 25, 2016|Uncategorized|0 Comments

Egg Drop Experiment

Ek het laas jaar ‘n You Tube video gesien waar die man ‘n eier op 6 verskillende maniere toedraai en dan van sy dak af gooi. Hy het dan gekyk of die eier gebreek het en elke keer was die eier nog heel. Ek het dadelik besluit dat hierdie aktiwiteit een is wat ons tuisskool groepie moet doen! 

Ons is ‘n groepie van sowat 7 mammas en ons baie kinders wat gereeld ontmoet vir kuns aktiwiteite. Ons maak beurte om te huisves en iets aan te bied. Ons kinders kry dan gereelde speeltyd saam met dieselfde goeie maats. 

Ek het almal op ons groepie genooi en die video gewys. Sommige mammas het toe reeds vir hulle kinders vertel wat ons gaan doen en die opwinden het gebou! 

Ek het vooraf al die nodoge gereedskap bymekaar gemaak. Dinge soos ballonne en sponsies, klein houertjies, koerantpapier en selotape. Ook natuurlik die eiers! My manlief het gelukkig ‘n groot sak van die nodige polystyrene stukkies by sy werk en kon vir ons bring. Ek het op aparte papier die eenvoudige-toedraai instruksies getik en ‘n prentjie geteken van die eier-beskerm metode. Die hele idee is dat die eier van ‘n hoë plek afgegooi word en nie breek nie. Een seuntjie het vir sy maatjie dit so verduidelik: die eier gaan al hoe vinniger begin val en ons moet dit stadiger laat val. Daar verstaan hy Newton se wet van versnelling sonder dat ons ooit dit vir hom geleer het! 

Ek het vir my eie kinders in die week vertel van Isaac Newton en hoe die appel op sy kop geval het. Hulle het ‘n prentjie van hom wat onder die appelboom sit geteken. Toe sny ons ‘n snit in die papier en plaas ‘n stukkie papier met ‘n appel op daarin sodat mens die appel kan beweeg van die boom tot bo op Isaac se kop! Die kinders het dit baie geniet en besef dat die insident Newton laat wonder het oor die krag wat die appel af aarde toe laat val het. Hy het dit swaartekrag genoem. 

Janéy se Isaac Newton prentjie

 

Terug na ons Egg Drop Dag! Ons het die kinders in spanne verdeel en vir elkeen ‘n kleur lint gegee om die span uit te ken. 

My dogters in die rooi span.

 

Elke groep trek toe ‘n metode vannuit ‘n hoed en sit toe by hulle eie spasie met al hul gereedskap. My kinders moes eers die eier in watte en dan koerantpapier toedraai en toe vasmaak aan ‘n sambreel. 

‘n Ander groep het die eier tussen sponsies gebêre, goed vasgemaak met lint en toe ‘n valskerm gemaak met ‘n stuk materiaal. 

  

‘n Derde groep het ballonne gebruik om die eier se val sag te maak. Die ander span het weer polystyrene ertjies gebruik en so het elkeen die eier goed toegedraai en beskerm teen die impak. 

  

Toe almal klaar was, gaan ek en my vriendin met almal se eksperimente na my eerste verdieping kamervenster. Al die kinders staan buite op die gras en wag in spanning.   

 

Ons gooi toe eers ‘n kontrool eier af. Sal dit breek van so hoog, of is hierdie dalk Super Eiers? Dit spat toe lekker oop sodat die kinders gil van plesier! Toe gooi ons elkeen se kontrapsie daar af en elke groepie gil soos hulle s’n land. 

  

Dit was so lekker om hulle opgewondeheid te hoor soos hulle die eier-kassie weer opsny. Almal is so gretig om die selotape en koerantpapier af te skeur dat ons moet keer dat hulle nie die eier breek in die proses nie! En een vir een hoor ons YAY!! soos hulle die eier heel ontdek.  Ek het so gelag vir die sukses! Ek neem net af en videos orals waar ek kan. 

Sekerlik kan ons middag nie daar eindig nie! Nee, ek wou hê dat hulle nou bietjie self moes dink, hoe sou hulle hulle eier self beskerm? Ek gee vir hulle toegang tot ander gereedskap en sê hulle moet nou iets anders probeer. Dadelik spring hulle aan die werk en dit was heel aangenaam om te sien wat die kinders van 8 jaar en jonger vorendag mee kom. 

My dogter se groep het met leë toiletrolle hulle eier toegespan. 

  

Nou was ek ook nuuskierig of die planne sou werk! Toe almal klaar was, neem ons dit weer boëntoe en almal hou hul asem op toe ek een vir een hulle uitgooi. Die met ballonne land met ‘n pop hier en daar. Sommiges val teleurstellend saggies. (Dis seker die idee maar dis nie so plesierig soos ‘n SPLAT nie!) Die sambreel draai om ‘n keer of twee maar dit het verseker die eier se val gestuit.

 Weereens is almal gretig om die papiere oop te skeur en sien of die Oompie Kadoompie iets oorgekom het. Yipppeee!! Die eiers is heel en die kinders is trots! 

Tyd vir koek en tee en opruim. 

  

By |2016-01-23T10:26:06+00:00January 23, 2016|Uncategorized|1 Comment

Ons vier A.A. Milne se verjaardag met 'n Winne the Pooh partytjie

Ons het weer die jaar afgeskop met die letter A. Die wie my al ‘n rukkie volg sal weet dat ek tot Letter Q gevorder het laas jaar, maar in plaas daarvan om met R aan te gaan, begin ons van voor af en kom hopelik by Z uit voor die einde van die jaar. (Ons het buitendien in ons eerste jaar van tuisonderwys ‘n baie lekker Z is vir zoeloe skootboek gemaak so ek was nie te gepla nie.)

Die motivering hiervoor is dat Janéy (8) begin met lopende skrif terwyl Ilani (5) haar druk skryf behoorlik oefen. So albei oefen die A letter in hulle soort skrif! 

 Ek het my eie Lopende Skrif Plakkaat gemaak. Net deur te Google hoe moet elke letter lyk en dit te lamineer. Mens kan allerhande skryf kurrikulums koop en werkkaarte of boeke maar dis nie eers nodig nie. My kinders oefen in ‘n gewone boekie hulle letters. 

Lopende Skrif Plakkaat

Ek het ‘n lekker taal fout gemaak toe ek beplan oor wie ons sou leer vir die letter A. Ek het gedink ek sal my kinders oor Aesop se Fabels leer! Ek het opgelees oor hom en Afrikaanse stories gevind wat ek vir hulle kon lees. Elke storie het ‘n sedeles wat ons daaruit kon leer. Maar toe, aan die einde van die boekie, lig die boekie my so gaaf in dat die stories oorspronklik deur Esopus vertel is. Eeeesopus, nie Aesop nie! So, daar wonder ek weer wat het hierdie Engelse-eerste-taal mamma gedink om haar kinders in Afrikaans te probeer tuisonderrig. Maar nou ja. Dis kamstig hulle moeder taal. 

Woensdag, toe al die skool kinders terug gaan skool toe en ‘pose’ vir trotse mammas, voel ek effens mismoedig. Doen ek nog die regte ding? Ontneem ek nie my kind van iets belangriks nie? 

Dis normaal om hierdie vrae te laat swem in jou kop. Maar moenie oorgee aan hulle nie. Kom terug na die beroep op jou gesin. Ek het geweet dat ons, of altans ek, iets prettig en opvoedkundig nodig het om die vlammetjie vir tuisonderwys weer sterk te laat brand. 

En ek vra die Here vir idees. Oor wie kan ons leer? Esopus sal nou moet wag tot Letter E week. En daar is ‘n deuntjie in my kop. 🎶 Winnie the Pooh, Winnie the Pooh, chubby little chubby all stuffed with fluff” 🎶 So, ek Google gou wanneer verjaar die skrywer van die Winnie the Pooh stories, A.A. Milne en is verheug om te sien dis nou Maandag, die 18 Januarie. Want dit beteken ons kan ‘n Winnie the Pooh partytjie hou en oor die Milne ou leer! Sy van begin nou wel met ‘n M, maar ons vat daai twee voorletters en woeker met hulle!  Ek stuur ‘n voice note aan my beste vriendin en tuisonderrig kameraad en sy is aan boord met ‘n partytjie. Wat ons vandag (Vrydag) gehou het. 

Kyk net hoeveel pret het ons gehad!

 Ek het sy foto uitgedruk en gelamineer om die kinders te wys. Hy was 18 Januarie 1882 gebore. En hy is reeds dood. 

dis die man wie verjaar: Alan Alexander Milne

Hy het eers wiskunde geswot en in die Eerste Wêreld Oorlog geveg voordat hy getrou het en Pa geword het. En sy seun se naam? Christopher Robin! En die seun se speelgoed was die einste beertjie, tier, donkie en varkie wie die inspirasie was vir die karakters in sy storie. 

Ilani oefen haar A

 Die kinders het my gehelp om heuning potte te maak met ‘n ou blik en inkopie sakke wat ons toegedraai het met papier. Hier verf Ilani haar potjie en vandag was sy Winnie the Pooh met my ou geel hemp aan.   

Ek het ‘n Eeyore geGoogle en toe geteken en verf. Die kinders het my baie gehelp met die verf en inkleur van die donkie se sterte. Vandag, het hulle en die maats Pin the Tail on the Donkey gespeel en so gelag vir mekaar se stert-posisies. Dit bly ‘n prettige speletjie! 

   

My vriendin het so oulikke heuning pot gemaak van paper mâché en tuisemaakte sjokolade bytjies. Sy het ook oranje jellie Winnie the Pooh’s gebring. Nog ‘n tuisskool mamma het eetgoed uit Rabbit se tuin gebring asook Tigger-stertjie chips. Ek het ‘n koek gebak en so was daar heelwat tema eetgoed wat my baie bly maak. 

  

  Ek het vir die kinders ‘n snaakse gedig gelees uit A.A. Milne se versameling. En ons het You Tube liedjies van ou Pooh Bear geluister. 

Julle, dit was great! Die kinders het lekker gespeel, die mammas het lekker gekuier. En ek hoop hulle het ook iets geleer. Wat ek geleer het is dat wanneer mens ‘n storie vir jou kinders skryf, weet jy nooit hoe groot dit kan word nie. Alan het nooit gedroom dat 100 jaar na Winnie the Pooh eers “o Bother” gesê het nie, sou daar flieks, stories, sagte diere, liedjies, inderdaad ‘n hele Winnie the Pooh beweging wees nie! 

Wat sê die Woord? Moenie die dag van klein dingetjies gering ag nie. (‭SAGARIA‬ ‭4‬:‭10‬ AFR83)

By |2016-01-15T17:11:52+00:00January 15, 2016|Uncategorized|0 Comments

Opsomming van die Jaar 2015

Ons tweede jaar van tuisonderrig was nie so maklik en prettig soos ons eerste jaar nie. Ek glo die Here het spesiale genade uitgestort op ons eerste jaar sodat dit soos ‘n wittebrood jaar was vir tuisonderrig. Laas jaar se blog posts is hier opgesom.
Die jaar moes ons bietjie meer insit, bietjie meer sloer, bietjie meer kop-af-en-werk dae. Ek was ook meer ‘all-over-the-place’ met my temas en idees. Ons het nogsteeds letter van die week gedoen maar hier ‘n paar Bybel karakters gedek, daar sommer hele lande en kulture geleer en dan was daar’n paar kunstenaars in die mengelmoes ingegooi.
Bybel karakters:
Abraham
Dawid
Josef
Petrus
Josef was my gunsteling omdat ons ‘n jas uit felt gemaak het en sy storie daarop vertel het.
Lande en antieke wêrelde wat ons van geleer het:
China
Antieke Egipte (Deel 1)
Antieke Egipte (Deel 2) 
Indië
Egipte was verseker die hoogtepunt van die jaar. Ons het soveel kuns en kreatiewe goed gemaak, dit was wonderlik! En saam met vriende ‘n hele Egiptiese Dag gehad wat baie pret was!
Die kunstenaars wat ons oor geleer het:
Gustav Klimt 
Leonardo da Vinci 
Die kunstenaars het goed gewerk vir my oudste kind wie baie lief is vir kuns. Ek wil volgende jaar heelwat kuns en kuns geskiedenis doen.
Dan het ek baie gebid en bepeins die jaar, wat seker gebeur wanneer tye bietjie taaier gaan.
Die Gebed van ‘n Tuisonderrrig Mamma 
Een Voordeel van Tuisonderrig
My Missie Stelling vir Kieswetter Klaskamer
Vordering se Nuwe Betekenis
Wat ek meer sal wil doen volgende jaar is verse en gediggies memoriseer. In ons eerste jaar het ons verse en rympies afgewissel elke week en dit het vir my soos baie vordering gevoel.  Ek dink ek voel ook dat ek minder voltooi het omdat ons nie deur die hele alfabet gekom het nie. Mens wil voel dat jy dinge klaar gemaak het. Maar is dit ‘n ware meting van vordering? Nee. Want ons kan al die letters behandel het maar my kind sal dalk nie almal kan onthou nie, dan wat help dit my en haar? Ons het wel wiskunde boeke klaar gemaak. En die lees het verbeter. Elk geval, ek moet vrede maak met minder merkwaardige vordering want volgende jaar arriveer ons tweeling en dan gaan dinge dalk stadiger en anderste werk.
Op ‘n positiewe noot, my kinders is baie gelukkig en meer selfstandig as laas jaar. Oor naweke ‘werk’ hulle vir pret. Doen somme en skryf sinne en maak kaartjies en geskenkies vir al wat ‘n maatjie. Ons gesprekke in die kar is intellektueel en logies. Hulle is nie uitgeput of moedeloos nie. Ons speel bordspeletjies en hulle hou vir ons konsert. So, as dit iets is wat mens wou meet, is ons gesinslewe so gesond en gelukkig en eks seker dit is ook belangrik. Maar ek voel ek probeer myself verdedig of opmeet teen skoolgaande kinders en ek hoef nie. Ons is nie in ‘n wedren teen hulle nie, is ons?

By |2015-11-29T08:10:09+00:00November 29, 2015|Uncategorized|6 Comments

Petrus en Papier

Ons is amper aan die einde van die jaar en trek nou eers by die letter P. Ek wou dus net ‘n vinnige een week van P doen en toe spoel dit oor tot twee weke. Gaan ek die res van die letters in-‘squeeze’ of oorslaan tot volgende jaar? Ek weet nie. 

Maar ons het lekker gepraat van Petrus. Jesus se rabbedoe vriend. Ek het vir my kinders die stukke in die Bybel gelees waar Petrus iets gesê het. En hulle het besef dat hy baie gepraat het en dikwels sonder om te dink. Ek het vor hulle die Matthew video gekyk en toe hulle sien Petrus was ‘n regte man, dring dit deur dat die gebeure in die Bybel regtig gebeur het. Omdat my kinders so baie vra: “het dit REGTIG gebeur?”, besef ek dat hulle onseker is van realiteit en fantasie. Soveel van wat hulle op televisie kyk is sprokies, sodat wanneer ek hulle iets eg wys, twyfel hulle daarin. Hoe kan ek die verwarring tussen realiteit en fantasie keer? Ek weet nie.  

Elk geval, hier is ons Petrus skootboek.

  

Dit was Janéy se idee om die bootjie te vou met papier. Ons het twee verskillende origami metodes probeer voor ons dit reggekry het om ‘n bootjie uit papier te maak. Dis Petrus en Andreas wie visvang. Jesus het na hulle toe gestap en hulle genooi om Hom te volg. Die Bybel sê dat hulle, hulle boot net daar gelos het en dadelik Jesus gevolg. 

Toe skryf Janéy af van my lysie feite oor Petrus .  

 

Toe skryf ek sommige van Jesus en Petrus se dialoë op spreekborrels sodat mens vinnig kon sien wat het Jesus en Petrus vir mekaar gesê. Die gesigte van Petrus en Jesus was bietjie van ‘n flop. Ek het gedink om hulle gesigte, hare, oë en monde apart te teken sodat die kinders dit moes uitsny en dan saam plak. Maar toe is die oë te groot en die neus massief en die gesigte lyk verspot. Ek moes ‘n paar keer die gesigdele oorteken voordat dit ietwat okay gelyk het. 

  

Ilani het ‘n prentjie van Petrus wat op die water loop geverf en Janéy het die vers wat daarby pas vanuit die Bybel geskryf. 

  

Ek het ‘n prent gesoek oor Petrus wat Jesus verraai en ‘n mooi kunsstuk gevind op Google. 

oorspronklike

My potlood weergawe

 

Ilani het dit ingekleur

Ek het ook ‘n pragtige kunstuk gevind deur Carl Heinrich Bloch. ‘Peter denies Jesus’

 

Ons het op klip geverf omdat Petrus se naam ‘rots’ beteken. 

 

   

Ons rokke van papier was nie so suksesvol of prettig soos laas jaar s’n nie en toe ek al die papier sien wat ons moes weggooi, besluit ek dat ons dit eerder moet herwin en ons eie papier daarvan maak. Toe begin die baie lang proses van papier skeur en sny in kleiner stukkies. 

   

Toe week ons die papier in warm water en roer dit en probeer dit nog fyner maak.  Pinterest sê mens moet dit in die blender gooi sodat dit die papier fyn op’chop’ maar ek wou my blender red van verbeelde gevare. 

Ek het so paar maande terug ‘n hele papier-maak stel gesien by die kunswinkel Jimnettes maar ongelukkig toe ek weer gaan soek, was dit nie meer daar nie! Gelukkig, kom my kuns vriendin Dominique tot my redding! Sy het die rame om papier te maak en ons kon toe voortgaan. 

  

Ons druk die papier pulp teen die ‘mesh’ sodat die water onder uit kan loop. Dit was moeilik om ‘n dun egalige lagie papier pulp neer te lê. Orals was daar klonte en dik stukke. Die kinders het my gehelp om dit relatief dun en netjies te kry. Ons het ‘n stuk plastiek gebruik om die papier plat te druk. En toe buite in die son gelos om droog te word. 

Die eindproduk was ‘n harde stuk dik papier waarop ons laaste deel van Petrus se storie gekom het.   

Dis vir my pragtig dat Jesus Petrus 3 maal gevra het of hy Hom lief het.  Een vir elke keer wat Petrus Hom ontken het. Dis ‘n manier om op te maak vir sy fout. 

Hy vra hom die derde maal: Simon, seun van Jona, het jy My lief? Petrus het bedroef geword, omdat Hy hom die derde maal vra: Het jy My lief? En hy antwoord Hom: Here, U weet alles, U weet dat ek U liefhet. Jesus sê vir hom: Laat my skape wei. (‭JOHANNES‬ ‭21‬:‭17‬ AFR53)

En dis ook Sy opdrag aan my: ek moet Sy skapies versorg.

  

  

By |2015-11-14T10:37:37+00:00November 14, 2015|Uncategorized|2 Comments

Vordering se nuwe betekenis

Ek is so bly en verbaas om te sien my kinders vorder met tuisskool. En nie vorder soos ons dit ken nie: maak al die somme in die boek klaar en lees al die leesboekies vir die jaar. Nee, vorder soos wat tuisskolers graag wil hê hulle kinders moet vorder: besluit self waaraan hulle wil werk en voltooi ‘n taak onafhanglik! Dis wat vordering nou vir my beteken. 

Gister, sien my oudste(7) iets raak in haar Afrikaans boek, Afrikaans Sonder Trane. Dis ‘n kode wat sy vroer die jaar moes ontsyfer. Sy was mal daaroor! Sy blaai gou deur die boek om te kyk of daar nog sulke werkies is. Toe sy niks vind nie, sê sy baie opgewonde: “Mamma, ek hou hiervan. Kan ek my eie kode boek maak?” Ek sê natuurlik en help haar sussies verder. Janéy knip en sny self karton. Sy  teken ‘n tabel en skryf af die kode van die handboek. Elke letter van die alfabet het ‘n simbool. Ek verduidelik dat sy nou ‘n sin moet uitdink en dit eers in Afrikaans moet neerskryf. Dan gaan sy dit in die simbool kode oorskryf, dan vee sy die Afrikaans sin uit. Dan kan mens net haar sin ontsyfer deur om die kode te gebruik. Sy was baie opgewonde en spring dadelik aan die werk. 

  

Toe maak sy ‘n kode boodkskap vir haar maatjie wat later die dag sou kom. Toe plak sy kode ‘woorde’ orals in die huis. Ek vra toe of die kode die woord dan spel? Ek meen, die woord op die deur moet ‘deur’ spel, sekerlik? Maar toe het sy net van die simbole baie gehou en die regte woorde gelos! Sal weer soentoe werk, maar sy het pret gehad en dit was haar skoolwerk vir die dag! 

En dan vandag doen ek Singapore Maths met Ilani (5). Ek hou daarvan dat hulle buite die boks vir die kinders leer en meer as een metode leer om ‘n nuwe idee te verstaan. So Ilani se werk was die:

Wat maak alles 6?

Die volgende bladsy was, wat maak alles 8. Maar sy wou nie aanhou daarmee nie. Sy wou eerder haar eie sirkels maak. Sy vra vir skoon papier en ek help haar om sirkels te trek met die gom. Ek verstaan toe eers beter toe ek sien sy sit ‘n 5 in die sirkel. Sy is 5 en daarom wou sy die nommer 5 sommetjies doen! Sy onderbreek my leer met Janéy om my ‘n storiesom te vertel! “Mamma, ek het eers geen sweets gehad nie, en toe gee jy vir my 4 sweets en toe gaan ek ballet toe en my juffrou gee vir my nog een. En dan het ek 5!” Die irritasie dat sy kliphard praat en ons onderbreek val weg toe ek besef sy vertel sulke oulike storiesomme nog voordat ek dit met haar behandel het. 

Ek vertel haar dat ons dit storiesomme noem en dat sy nou baie oulik vertel het. Kort daarna, moes ons luister na nog en so gaan ‘n tuisonderrig klaskamer waar sussie van verskillende ouderdomme langs mekaar werk. 

  

Hierdie, liewe lesers is vordering! Vordering om self-leerders te word! Vordering om hulle opvoeding in hulle eie hande te neem en te hardloop daarmee. Vordering omdat hulle WIL leer en nie omdat hulle moet nie! 

En dit alles in die week waar ek voel ons te min werk doen, te kort oggende het, te veel buite speel (wat gaan die bure van ons dink?!) en dis hoekom ek hieroor skryf: om jou en MySelf te herhinner waaroor dit werklik gaan. 

By |2015-10-28T12:10:06+00:00October 28, 2015|Uncategorized|5 Comments
Go to Top